ന്യൂഡൽഹി : ബദ്ധവൈരികളെ തകർത്ത് കിരീടം ചൂടിയ പുരുഷന്മാർക്ക് പിന്നാലെ ചരിത്രം രചിച്ച് വനിതകളും . ഏഷ്യൻസ് ചാമ്പ്യൻസ് ട്രോഫി ഹോക്കി ഫൈനലിൽ ചൈനയെ 2- 1 ന് തോൽപ്പിച്ചാണ് ഇന്ത്യൻ വനിതകൾ കിരീടം ചൂടിയത്. കളിതീരാൻ 20 സെക്കന്റ് മാത്രം ബാക്കി നിൽക്കെ ഗോൾ നേടിയ ദീപികയാണ് ചൈനീസ് മോഹങ്ങൾ തകർത്തത്.
പതിമൂന്നാം മിനുട്ടിൽ പെനാൾട്ടിയിലൂടെയായിരുന്നു ഇന്ത്യയുടെ ആദ്യഗോൾ. ദീപ ഗ്രേയ്സ് എക്കയാണ് ഗോൾ നേടിയത് . 44-)0 മിനുട്ടിൽ സോങ് മെങ്ക്ലിങ്ങിലൂടെ ചൈന സമനില നേടി. എന്നാൽ ഒന്നാന്തരമൊരു ഗോളിലൂടെ ദീപിക ചൈനയെ നിലം പരിശാക്കുകയായിരുന്നു.
നേരത്തെ പാകിസ്ഥാനെ 3-2 നു പരാജയപ്പെടുത്തി ഇന്ത്യൻ പുരുഷന്മാരും കിരീടം ചൂടിയിരുന്നു