IndiaNewsSports

എട്ടു വയസ്സുകാരൻ കശ്മീരി ബാലൻ ദേശീയ ബോക്സിംഗ് ചാമ്പ്യൻ

രജൗരി: ജമ്മു കശ്മീരിലെ രജൗരിയിൽ നിന്നുളള എട്ടു വയസ്സുകാരൻ തായ് ബോക്സിംഗിൽ സ്വർണ്ണമെഡൽ ജേതാവായി തിരഞ്ഞെടുക്കപ്പെട്ടു. ദേശീയതലത്തിൽ നടത്തപ്പെട്ട തായ് ബോക്സിംഗ് ചാമ്പ്യൻഷിപ്പിലാണ് അബ്ബു അമ്മാസ് എന്ന രണ്ടാം ക്ലാസ് വിദ്യാർത്ഥി ചാമ്പ്യനായത്.

“എനിക്കവനെ ഒളിമ്പിക്സ് ലക്ഷ്യം വച്ചു പരിശീലനം നൽകണം. ദൈവം ഇതിനായി ശരിയായ ദിശാബോധത്തിൽ അവനെ വളർത്തുമെന്നും അവൻ ലോകം മുഴുവൻ ഭാരതത്തിന്റെ തിളക്കം വർദ്ധിപ്പിക്കുമെന്നും ഞാൻ ആശിക്കുന്നു” അബ്ബു അമ്മാസിന്റെ പിതാവ് അബ്ബാസ് സാദിഖ് തന്റെ മകന്റെ വിജയവാർത്തയോട് പ്രതികരിച്ചതിങ്ങനെയാണ്.

അശാന്തിയുടെ വാർത്തകളിൽ മാത്രം ഇടം നേടാറുളള തങ്ങളുടെ നാട്ടിൽ നിന്നും ഇത്തരമൊരു വിജയം കരസ്ഥമാക്കിയ കൊച്ചു മിടുക്കനെ ജില്ലാഭരണകൂടവും, പൊലീസ് സേനയും, ഗ്രാമവാസികളും ചേർന്ന് അനുമോദിച്ചു. ആഹ്ലാദാരവങ്ങളോടെയാണ് ഗ്രാമവാസികൾ അബ്ബു അമ്മാസിനെ ആനയിച്ചത്.

Close