ആന്റിഗ്വ: വെസ്റ്റ് ഇൻഡീസുമായുള്ള മൂന്നാം ഏകദിനത്തിൽ ഇന്ത്യക്ക് 93 റൺസിന്റെ തകർപ്പൻ ജയം. പുറത്താകാതെ 78 റൺസ് അടിച്ച മഹേന്ദ്ര സിംഗ് ധോണിയുടെയും 72 റൺസെടുത്ത് പുറത്തായ അജിങ്ക്യ രഹാനെയുടെയും മികവിലാണ് ഇന്ത്യ വിജയം കൈവരിച്ചത്.
ഇന്ത്യയുടെ 251 റൺസ് പിന്തുടരാനിറങ്ങിയ വിൻഡീസ് 38.1 ഒാവറിൽ 158 റൺസിന് പുറത്തായി. 40 റൺസെടുത്ത ജേസൺ മുഹമ്മദാണ് വിൻഡീസ് നിരയിലെ ടോപ്പ് സ്കോറർ. ഇന്ത്യയ്ക്ക് വേണ്ടി കുൽദീപ് യാദവും, ആർ.അശ്വിനും മൂന്ന് വിക്കറ്റ് വീതം വീഴ്ത്തി. ഹർദ്ദിക്ക് പാണ്ഡ്യ രണ്ടു വിക്കറ്റെടുത്തു.
ധോണിയാണ് മാൻ ഒാഫ് ദ മാച്ച്. ജയത്തോടെ 5 മത്സരങ്ങളുള്ള പരമ്പരയിൽ ഇന്ത്യ 2-0ന് മുന്നിലെത്തി. ഒരു മത്സരം മഴമൂലം ഉപേക്ഷിച്ചിരുന്നു.