കൊച്ചി : ക്രിക്കറ്റ് താരം ശ്രീശാന്ത് നായകനായെത്തുന്ന ടീം ഫൈവ് സിനിമയെ തകര്ക്കാന് ശ്രമം നടക്കുന്നതായി ആരോപിച്ച് അണിയറ പ്രവര്ത്തകര് രംഗത്ത്. സിനിമയുടെ പോസ്റ്റര് ഒട്ടിക്കാന് പോലും വിതരണക്കാര് തയ്യാറായില്ലെന്ന് നിര്മാതാവ് രാജ് സക്കറിയ ആരോപിച്ചു.
കഴിഞ്ഞ ദിവസമാണ് മുന് ഇന്ത്യന് താരം ശ്രീശാന്ത് നായകനായ ടീം ഫൈവ് എന്ന ചിത്രം തിയേറ്ററുകളിലെത്തുന്നത്. എന്നാല് സിനിമയ്ക്ക് വേണ്ടത്ര പചാരണം വിതരണക്കാര് നല്കുന്നില്ലെന്നാണ് അണിയറ പ്രവര്ത്തകര് ആരോപിക്കുന്നത്. സിനിമയുടെ പോസ്റ്ററുകള് വന് നഗരത്തില് പോലും എവിടെയുമില്ല. വിതരണക്കാരുടെ അസോസിയേഷന്റെ ഭാഗത്ത് നിന്ന് യാതൊരു സഹകരണവുമില്ലെന്നും ചിത്രത്തിന്റെ നിര്മാതാവ് ആരോപിക്കുന്നു.
പുതുമുഖങ്ങളെ ഇത്തരത്തില് ഒതുക്കുന്നത് മലയാള സിനിമയില് പതിവായിരിക്കുകയാണെന്ന് സംവിധായകന് സുരേഷ് ഗോവിന്ദ് അഭിപ്രായപ്പെട്ടു.
എന്നാല് ഇത്തരം ആരോപണങ്ങളെ ഫിലിം ഡിസ്ട്രിബ്യൂട്ടേഷ്സ് അസോസിയേഷന് തള്ളി.മതിയായ മാര്ക്കറ്റിംഗ് ജോലികള് പൂര്ത്തിയാക്കാതെയാണ് ടീം ഫൈവ് പ്രവര്ത്തകര് വിതരണക്കാരെ പഴിക്കുന്നതെന്നും അസോസിയേഷന് വ്യക്തമാക്കി.