സൈനിക വേഷത്തിൽ ധോനി ; ആഹ്ലാദത്തോടെ മിലിട്ടറി സ്ക്കൂൾ വിദ്യാർത്ഥികൾ

കശ്മീർ : സൈനിക വേഷത്തിൽ എത്തി മിലിട്ടറി സ്ക്കൂൾ വിദ്യാർത്ഥികളെ ഞെട്ടിച്ചിരിക്കുകയാണ് ഇന്ത്യൻ ക്രിക്കറ്റ് ടീം മുൻ ക്യാപ്റ്റനും,ലഫ്റ്റന്റ് കേണലുമായ മഹേന്ദ്ര സിംഗ് ധോനി.

ശ്രീനഗറിലെ ആർമി പബ്ലിക്ക് സ്ക്കൂളിലാണ് ധോനി പട്ടാള വേഷത്തിലെത്തിയത്.ഇന്ത്യൻ ആർമിയുടെ ചിന്നാർ കോർപ്സിന്റെ ഔദ്യോഗിക ട്വിറ്റർ അക്കൗണ്ടിലാണ് ധോനിയുടെ ചിത്രം പങ്കു വച്ചിരിക്കുന്നത്.

പട്ടാളത്തിൽ ഹോണററി ലഫ്റ്റന്റ് കേണൽ പദവിയാണ് ധോനിക്കുള്ളത്.മുൻ രാഷ്ട്രപതി പ്രതിഭ പാട്ടീലാണ് ധോനിക്ക് ഈ പദവി സമ്മാനിച്ചത്.

ധോനിയുടെ സ്ക്കൂൾ സന്ദർശനം മുൻകൂട്ടി നിശ്ചയിച്ചിരുന്നതല്ല.
പഠനത്തിന്റെയും,കായികാഭ്യാസങ്ങളുടെയും ആവശ്യകതയെ കുറിച്ചാണ് ധോനി വിദ്യാർത്ഥികളോട് സംസാരിച്ചത്.

Close