ശബ്ദത്തേക്കാൾ അഞ്ചു മുതൽ ഏഴിരട്ടി വരെ വേഗത, ലോകത്ത് എവിടെയും മണിക്കൂറുകൾക്കുള്ളിൽ തകർക്കാൻ ശേഷി ,ഇന്ത്യയും റഷ്യയും സംയുക്തമായി നിർമ്മിക്കുന്ന പുതിയ ക്രൂസ് മിസൈലായ ബ്രഹ്മോസ് രണ്ടിന്റെ വിശേഷണങ്ങളാണിവ.
ഇതുവരെയുള്ള പരീക്ഷണങ്ങളിൽ ഇതിന്റെ വേഗം മാക് 7 ആണ് , മണിക്കൂറിൽ ഏകദേശം 8575 കിലോമീറ്റർ.എന്നാൽ ഇതിന്റെ വേഗത മണിക്കൂറിൽ 10,000 വരുമെന്നാണ് പ്രതിരോധ വൃത്തങ്ങൾ പറയുന്നത് .ബ്രഹ്മോസ് ഒന്നിനെക്കാളും വലിപ്പം കുറഞ്ഞതാണ് ഹൈപ്പര്സോണിക്.
മുൻ രാഷ്ട്രപതി എ.പി.ജെ. അബ്ദുൽ കലാമിനോടുള്ള ആദരസൂചകമായി അദ്ദേഹത്തിന്റെ പേരിലായിരിക്കും ഈ മിസൈൽ അറിയപ്പെടുക. മിസൈലിന്റെ സാങ്കേതിക പരീക്ഷണങ്ങളുടെ വിവിധ ഘട്ടങ്ങൾ പുരോഗമിക്കുകയാണ്.
സൂപ്പർസോണിക് മിസൈൽ ബ്രഹ്മോസിന്റെ പരീക്ഷണം മൂന്നു തലങ്ങളിലും പൂർത്തിയായതോടെയാണ് ബ്രഹ്മോസ് രണ്ടിന്റെ നിർമാണവും പരീക്ഷണങ്ങളും ഇരു രാജ്യങ്ങളും ദ്രുതഗതിയിലാക്കിയത്.
ഹൈപ്പർസോണിക്ക് ബ്രഹ്മോസ് മിസൈൽ 2 നേടുന്നതോടെ ലോകത്തെ തന്നെ ഏറ്റവും വേഗതയേറിയ ക്രൂസ് മിസൈൽ ഇന്ത്യയുടേതാകും . മാത്രമല്ല ഇന്ത്യൻ നാവികസേനയുടെ ഏറ്റവും വലിയ നേട്ടമാകും ബ്രഹ്മോസ് മിസൈൽ 2 . കപ്പൽ, അന്തർവാഹിനി, വിമാനം, മൊബൈൽ ലോഞ്ചറുകളിൽ എന്നിവയിൽ നിന്നും ഇത് വിക്ഷേപിക്കാനാകും.