പാരീസ്: ഫ്രഞ്ച് റോക്ക് ആൻഡ് റോൾ സംഗീത ഇതിഹാസവും അഭിനേതാവുമായ ജോണി ഹാല്ലിഡേ(74) അന്തരിച്ചു. ശ്വാസകോശ അര്ബുദം ബാധിച്ചതിനെത്തുടര്ന്ന് ഏറെ നാൾ ചികിത്സയിലായിരുന്നു.
റോക്ക് ആൻഡ് റോൾ സംഗീതം ഫ്രാൻസിന് പരിചയപ്പെടുത്തിയ സംഗീതജ്ഞനായിരുന്നു ജീൻ ഫിലിപ്പി സ്മെറ്റ് എന്ന ജോണി ഹാല്ലിഡേ. 1960ൽ പുറത്തിറങ്ങിയ ‘ഹലോ ജോണി’യാണ് ആദ്യ സംഗീത ആൽബം. 1961ൽ പുറത്തിറങ്ങിയ ലെറ്റ്സ് ട്വിറ്റ്സ് എഗൈൻ അദ്ദേഹത്തെ കൂടുതൽ പ്രശസ്തനാക്കി.
1997ൽ ഫ്രഞ്ച് സര്ക്കാറിന്റെ “ഷെവലിയർ ഓഫ് ദി ലീജിയന് ഓഫ് ഹോണര്’ ബഹുമതി ലഭിച്ചു.