ഒഡിബിള് പോലെയുള്ള പ്രശസ്തമായ ഓഡിയോ ബുക്കുകളെ നേരിടാന് ഗൂഗിള് ഓഡിയോ ബുക്സ് വിഭാഗം ആരംഭിച്ചു. നാല്പ്പത്തി അഞ്ച് രാജ്യങ്ങളിലായി ഒന്പതോളം ഭാഷകളില് ഓഡിയോ ബുക്ക് ലഭ്യമാകും. ഗൂഗിള് പ്ലേ സ്റ്റോറില് നിന്നും ആപ്ലിക്കേഷന് ഡൗണ്ലോഡ് ചെയ്യാം.
പുസ്തകം വായിച്ചു കേള്ക്കാന് ഇഷ്ടപ്പെടുന്നവര്ക്ക് ഏറെ യോജിക്കുന്ന ഒന്നാണ് ഗൂഗിള് ഓഡിയോ ബുക്സ്. ആപ്പിള് ഐ ബുക്കിന്റെ മാതൃകയില് സബ്സ്ക്രിഷന് ഒഴിവാക്കി വരിക്കാര്ക്ക് ഓഡിയോബുക്കുകള് വാങ്ങാവുന്ന രീതിയിലാണ് ഇത് അവതരിപ്പിക്കുന്നത്.
ഫോണ്, ടാബ്ലറ്റ്, കമ്പ്യൂട്ടര് മുതലായവയില് ഈ ആപ്ലിക്കേഷന് പ്രവര്ത്തിപ്പിക്കാവുന്നതാണ്. ഇതിനായി ഗൂഗിള് അസിസ്റ്റന്റിനോട് ‘ഓകെ ഗൂഗിള് റീഡ് മൈ ബുക്ക്’ എന്ന നിര്ദ്ദേശം നല്കിയാല് മതി.
ആപ്ലിക്കേഷന് ലോഞ്ച് ചെയ്യുന്നതോടനുബന്ധിച്ച് വലിയ വിലക്കുറവിലാണ് ഗൂഗിള് ബുക്കുകള് നല്കുന്നത്. ആദ്യത്തെ ഓഡിയോബുക്കിന് 50 ശതമാനം ഡിസ്കൗണ്ടും ലഭ്യമാണ്.