കൊച്ചി: സോളാര് തട്ടിപ്പ് കേസില് മുഖ്യമന്ത്രി ഉമ്മന്ചാണ്ടിയെ തിങ്കളാഴ്ച വിസ്തരിക്കും. കേസില് മുഖ്യമന്ത്രിയുടെ ഓഫീസിനും പങ്കുണ്ടെന്ന ആരോപണത്തെ തുടര്ന്നാണ് നാളെ സോളാര് കമ്മീഷന് മുഖ്യമന്ത്രിയെ വിസ്തരിക്കുന്നത്.
കമ്മീഷന് അയച്ച നോട്ടീസ് പ്രകാരം മൊഴിയെടുക്കലിന് ഹാജരാകാന് തയ്യാറാണെന്ന് മുഖ്യമന്ത്രി അഭിഭാഷകന് മുഖേന കമ്മീഷനെ അറിയിച്ചിരുന്നു. മുഖ്യമന്ത്രിയുടെ ആവശ്യപ്രകാരം തിരുവനന്തപുരത്ത് വച്ചായിരിക്കും മൊഴിയെടുക്കല്. സോളാര് കേസില് ഇതുവരെ മുഖ്യമന്ത്രിയുടെ ഓഫീസിനെ ജുഡീഷ്യല് കമ്മീഷന്റെ അന്വേഷണത്തില് ഉള്പ്പെടുത്തിയിരുന്നില്ല. എന്നാല് പ്രതിഷേധം ശക്തമായതിനെ തുടര്ന്നാണ് കമ്മീഷന് നടപടി.