NewsKerala

ഇ-മെയിൽ ചോർത്തൽ വിവാദം : പ്രമുഖ മാദ്ധ്യമ പ്രവർത്തകർക്കെതിരെ കുറ്റപത്രം

തിരുവനന്തപുരം : മുസ്ളിങ്ങളുടെ ഇ മെയിൽ സർക്കാർ ചോർത്തുന്നു എന്ന വ്യാജ ആരോപണത്തിന് എതിരായ കേസിൽ ക്രൈംബ്രാഞ്ച് കുറ്റപത്രം സമർപ്പിച്ചു . പ്രമുഖ മാദ്ധ്യമ പ്രവർത്തകരുൾപ്പെടെ എട്ട് പേരാണ് പ്രതികൾ . ക്രൈംബ്രാഞ്ച് ഡി വൈ എസ് പി ആർ ജയശങ്കറാണ് ചീഫ് ജുഡീഷ്യൽ മജിസ്ട്രേറ്റ് കോടതിയിൽ കുറ്റപത്രം സമർപ്പിച്ചത്

പോലീസ് ഹൈ ടെക്ക് ക്രൈം എങ്ക്വയറി സെൽ എസ് ഐ ആയിരുന്ന ബിജു സലിം , ജില്ലാ ഹോമിയോ മെഡിക്കൽ ഓഫീസറായിരുന്ന ഡോ : ദസ്തക്കീർ , അഭിഭാഷകൻ ഷാനവാസ് എന്നിവരോടൊപ്പം പ്രമുഖരായ അഞ്ച് മാദ്ധ്യമ പ്രവർത്തകരും കേസിൽ പ്രതികളാണ് .

മാദ്ധ്യമം വാരികയുടെ ചീഫ് എഡിറ്റർ ഒ അബ്ദു റഹ്മാൻ , എഡിറ്റർ പി കെ പാറക്കടവ് , ഇന്ത്യാവിഷൻ ചാനലിന്റെ എക്സിക്യൂട്ടീവ് എഡിറ്ററായിരുന്ന എം പി ബഷീർ , ചീഫ് റിപ്പോർട്ടർ മനു ഭരത് , പ്രത്യേക ലേഖകൻ വിജു വി നായർ എന്നീ മാദ്ധ്യമ പ്രവർത്തകരാണ് പ്രതികളായത് .

2012 ജനുവരി 23 ന്റെ മാദ്ധ്യമം ആഴ്ചപ്പതിപ്പിലാണ് സംഭ്രമജനകമായ രീതിയിൽ വാർത്ത വന്നത് . കേരളത്തിലെ മുസ്ലിങ്ങളെ ഒളിഞ്ഞു നോക്കുന്നു എന്ന വാദത്തോടെ നോട്ടപ്പുള്ളികൾ എന്ന തലക്കെട്ടിലായിരുന്നു ലേഖനം . സംഭവം വിവാദമായതോടെ സർക്കാർ അന്വേഷണത്തിനുത്തരവിടുകയായിരുന്നു . തുടർന്നാണ് പോലീസ് ഹൈ ടെക്ക് സെൽ എസ് ഐ ആയിരുന്ന ബിജു സലിം പിടിയിലായത് .

മതപരമായ വിഘടനമുണ്ടാക്കുക, മുസ്ലിം സമുദായത്തിൽ അരക്ഷിതാവസ്ഥ സൃഷ്ടിക്കുക തുടങ്ങിയ ഗൂഢ ഉദ്ദേശ്യങ്ങളായിരുന്നു പ്രതികൾക്കുണ്ടായിരുന്നതെന്ന് കുറ്റപത്രത്തിൽ പറയുന്നു.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close