NewsIndia

ബെംഗളൂരുവിൽ വിദേശവനിതയ്ക്ക് നേരേ ആക്രമണം

ബെംഗളൂരു : ബെംഗളൂരുവിലെ ഹെസാർഘട്ടയിൽ ടാൻസാനിയൻ യുവതിക്ക് നേരേ ജനക്കൂട്ടത്തിന്റെ ആക്രമണം . യുവതിയെ നഗ്നയാക്കി തെരുവിലൂടെ നടത്തിക്കുകയും മർദ്ദിക്കുകയും ചെയ്തു . കഴിഞ്ഞ ഞായറാഴ്ച രാത്രിയിലാണ് രാജ്യത്തിന് നാണക്കേടുണ്ടാക്കുന്ന സംഭവം അരങ്ങേറിയത് .

ഒരു സുഡാൻ പൗരൻ ഓടിച്ച കാറിടിച്ച് പ്രദേശവാസിയായ വൃദ്ധ മരിച്ചതിനെത്തുടർന്നാണ് ആക്രമണം ഉണ്ടായത് . ഈ അപകടത്തെത്തുടർന്ന് തിങ്ങിക്കൂടിയ ജനങ്ങൾക്കിടയിലേക്ക് തന്റെ സഹപാഠികൾക്കൊപ്പം വാഗൺ ആർ കാറിലെത്തിയ യുവതിയെ ജനക്കൂട്ടം ആക്രമിക്കുകയായിരുന്നു . സുഡാൻ പൗരന്റെ സുഹൃത്താണെന്ന് തെറ്റിദ്ധരിച്ചാണ് അക്രമമുണ്ടായത് .

യുവതിയെ കാറിൽ നിന്ന് പിടിച്ചിറക്കുകയും വിവസ്ത്രയായി റോഡിലൂടെ നടത്തിക്കുകയും ചെയ്തു . ഇത് തടയാനെത്തിയ യുവതിയുടെ കൂട്ടുകാരേയും ഉപദ്രവിച്ചു. യുവതിയെ രക്ഷിക്കാൻ ശ്രമിച്ച തദ്ദേശവാസിക്കും മർദ്ദനമേറ്റു. അക്രമത്തിലവശയായ യുവതി അടുത്തുള്ള പോലീസ് സ്റ്റേഷനിലെത്തിയെങ്കിലും പരാതി സ്വീകരിക്കാൻ കൂട്ടാക്കിയില്ലെന്നും റിപ്പോർട്ടുകളുണ്ട്.

കർണാടകയിൽ നടന്ന അക്രമത്തിനെതിരെ ശക്തമായ പ്രതിഷേധമുയർന്നു . സിദ്ധരാമയ്യ സർക്കാർ ക്രമസമാധാന പാലനത്തിൽ പരാജയമാണെന്ന് പ്രതിപക്ഷം ആരോപിച്ചു

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close