ന്യൂഡല്ഹി: സിയാച്ചിനിലെ ഹിമപാതത്തില് ഇന്നലെ കാണാതായ പത്ത് സൈനികര് മരിച്ചതായി സൈന്യം സ്ഥിരീകരിച്ചു. ഇവര് രക്ഷപെടാനുളള സാദ്ധ്യത കുറവാണെന്ന് പ്രതിരോധമന്ത്രാലയവും വ്യക്തമാക്കിയിരുന്നു.
ഇവര്ക്കായി തെരച്ചില് നടത്തിവരികയായിരുന്നു സൈന്യം. സൈന്യത്തിന്റെയും വ്യോമസേനയുടെയും പ്രത്യേക പരിശീലനം സിദ്ധിച്ച സംഘങ്ങളുടെ നേതൃത്വത്തിലായിരുന്നു തെരച്ചില് നടത്തുന്നത്. ഒരു ജൂണിയര് കമ്മീഷന്ഡ് ഓഫീസര് ഉള്പ്പെടെയുള്ളവരെയാണ് കാണാതായത്.
സിയാച്ചിന് മലനിരകളില് 19,600 അടി ഉയരത്തിലുളള സൈനിക പോസ്റ്റില് ഡ്യൂട്ടിയിലുണ്ടായിരുന്ന സൈനികരാണ് ഇവര്. പകല് മൈനസ് 25 ജഡിഗ്രിയും രാത്രി മൈനസ് 45 ഡിഗ്രിയുമാണ് ഇവിടുത്തെ നിലവിലെ താപനില.
സൈനികരുടെ മരണത്തില് പ്രധാനമന്ത്രി നരേന്ദ്രമോദി അനുശോചിച്ചു. ഇത്തരം പ്രകൃതിദുരന്തങ്ങള് മൂലം സൈനികരുടെ ജീവന് നഷ്ടപ്പെടുന്നത് ഏറെ ദു:ഖകരമാണെന്നും പ്രധാനമന്ത്രി പറഞ്ഞു.