NewsIndia

അന്തസ് വേണമെടോ അന്തസ് : കോൺഗ്രസ് എം പിയോട് സുപ്രീംകോടതി

ന്യൂഡൽഹി : മന്ത്രിമന്ദിരം ഒഴിഞ്ഞു കൊടുക്കാതെ വാശിപിടിച്ച കോൺഗ്രസ് എം പിക്ക് ഇരട്ട പ്രഹരം . വീട്ടിൽ നിന്ന് ഇറങ്ങേണ്ടിയും വന്നു അതിനെതിരെ കൊടുത്ത ഹർജി സുപ്രീം കോടതി തള്ളുകയും ചെയ്തു . അല്പം അന്തസ്സ് കാണിച്ചുകൂടേയെന്ന ജഡ്ജിയുടെ ചോദ്യവും കേൾക്കേണ്ടി വന്നു.

പശ്ചിമ ബംഗാളിലെ ബെഹ് റാം പൂരിൽ നിന്നുള്ള എം പിയും കോൺഗ്രസ് നേതാവുമായ ആധിർ രഞ്ജൻ ചൗധരിയ്ക്കാണ് ഈ ദുര്യോഗം . യു പി എ സർക്കാരിന്റെ കാലത്ത് റെയിൽവേ സഹമന്ത്രിയായിരുന്നു ചൗധരി . അന്ന് അനുവദിച്ചു കിട്ടിയ വീട് മന്ത്രിസ്ഥാനം പോയിട്ടും ഒഴിയാതിരുന്നതാണ് വിനയായത് .

നിരവധി തവണ നോട്ടീസ് നൽകിയിട്ടും തൊടു ന്യായങ്ങൾ പറഞ്ഞ് വീടൊഴിയാതെ നോക്കിയ ചൗധരിയെ ഒടുവിൽ ബലമായി ഒഴിപ്പിക്കുകയായിരുന്നു . ഇതിനെതിരെ സുപ്രീം കോടതിയിൽ ഹർജി നൽകിയ ചൗധരിക്ക് അവിടുന്നും കണക്കിന് കിട്ടി . കുറച്ചെങ്കിലും അന്തസ്സ് കാണിച്ചുകൂടേയെന്ന് എം പി യോട് ചീഫ് ജസ്റ്റിസ് ടി എസ് താക്കൂർ ചോദിച്ചു.

നേരത്തെ രഞ്ജൻ ചൗധരി ഹൈക്കോടതിയിൽ നൽകിയ ഹർജിയും തള്ളിയിരുന്നു . എത്രയും പെട്ടെന്ന് വീടൊഴിയാനാണ് ഹൈക്കോടതി നിർദ്ദേശിച്ചത് .

നരേന്ദ്രമോദി സർക്കാർ അധികാരത്തിലേറിയതിനു ശേഷം അനധികൃതമായി സർക്കാർ ബംഗ്ളാവുകളിൽ താമസിച്ചിരുന്ന നിരവധി പേരെ ഒഴിപ്പിച്ചിരുന്നു . ഇതിൽ പ്രമുഖ മന്ത്രിമാരും എം പിമാരും ഉൾപ്പെട്ടിരുന്നു . ചില സാംസ്കാരിക നായകന്മാരേയും ഇത്തരത്തിൽ ഒഴിപ്പിച്ചിരുന്നു . അസഹിഷ്ണുതാ വാദത്തിന് ഇതും ഒരു കാരണമായെന്ന് അന്ന് അഭിപ്രായമുയർന്നിരുന്നു .

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close