പാപ്പിനിശ്ശേരി: കണ്ണൂരിൽ ആർ.എസ്.എസ്. പ്രവർത്തകനെ സിപിഎം സംഘം വീട്ടിൽ കയറി അടിച്ചു കൊലപ്പെടുത്തി. പാപ്പിനിശ്ശേരി അരോളിയിലെ പറക്കാട് വളപ്പിൽ സുജിത്ത്(27) ആണ് സിപിഎമ്മിന്റെ ആക്രമണത്തിൽ മരിച്ചത്.
സുജിത്തിന്റെ അമ്മയ്ക്കും, അച്ഛനും, സഹോദരനുമെല്ലാം ആക്രമണത്തിൽ പരുക്കേറ്റിട്ടുണ്ട്. സംഭവവുമായി ബന്ധപ്പെട്ട് 8 സിപിഎം പ്രവർത്തകരെ പൊലീസ് കസ്റ്റഡിയിലെടുത്തു.
രാത്രി വൈകി പത്തോളം പേര് ആയുധങ്ങളുമായി സുജിത്തിന്റെ വീട്ടിലെത്തി ആക്രമിക്കുകയായിരുന്നു. ആക്രമണത്തില് ഗുരുതരമായി പരിക്കേറ്റ സുജിത്തിനെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. സുജിത്തിന്റെ മൃതദേഹം പിന്നീട് ജില്ലാ ആശുപത്രി മോര്ച്ചറിയിലേക്ക് മാറ്റി.
