ഇൻഡോർ : ആർ.എസ്.എസിന്റെ കാര്യാലയത്തിലെക്ക് ദേശീയപതാകയുമായി മാർച്ച് ചെയ്ത കോൺഗ്രസുകാർക്ക് ലഭിച്ചത് ഉജ്ജ്വല സ്വീകരണം . ആർ.എസ്.എസ് കാര്യാലയത്തിൽ ദേശീയ പതാക ഉയർത്തുക എന്നതായിരുന്നു . സംസ്ഥാന കോൺഗ്രസ് അദ്ധ്യക്ഷൻ അരുൺ യാദവിന്റെ നേതൃത്വത്തിൽ നടന്ന മാർച്ചിന്റെ ഉദ്ദേശ്യം .
കാര്യാലയത്തിലെത്തിയ കോൺഗ്രസ് മാർച്ചിനു കിട്ടിയത് പക്ഷേ ഉജ്ജ്വല സ്വീകരണമായിരുന്നു . കോൺഗ്രസ് നേതാക്കന്മാരെ തിലകമണിയിച്ച് സ്വീകരിച്ച് ആർ.എസ്.എസ് പ്രവർത്തകർ എല്ലാവർക്കും മധുരപലഹാരങ്ങൾ നൽകി അഭിവാദ്യം ചെയ്തു . തുടർന്ന് പതാക ഉയർത്തുന്ന സ്ഥാനത്ത് കോൺഗ്രസ് അദ്ധ്യക്ഷൻ കൊണ്ടുവന്ന ദേശീയ പതാക എല്ലാവരും കൂടി ഉയർത്തുകയും ചെയ്തു .
ദേശീയത പറയുന്ന സംഘ പ്രസ്ഥാനങ്ങൾ അവരുടെ ആസ്ഥാനത്ത് ദേശീയ പതാക ഉയർത്തില്ല എന്ന വ്യാജ പ്രചാരണങ്ങൾക്കനുസരിച്ചായിരുന്നു കോൺഗ്രസിന്റെ മാർച്ച് . എന്നാൽ ആർ.എസ്.എസ് പ്രവർത്തകരോടൊപ്പം നിന്ന് ഭാരത് മാതാ കീ ജയും വന്ദേമാതരവും വിളിച്ച് ദേശീയ പതാകയും ഉയർത്തി സംതൃപ്തരായാണ് കോൺഗ്രസ് നേതാക്കൾ തിരിച്ചു പോയത് .