NewsIndia

കശ്മീരിൽ ജെയ്ഷ് ഇ മൊഹമ്മദ് ഭീകരൻ അറസ്റ്റിലായി

ശ്രീനഗർ : കശ്മീരിലെ ബാരാമുള്ളയിൽ നിന്നും ജെയ്ഷ് ഇ മൊഹമ്മദ് ഭീകരനെ അന്വേഷണ ഏജൻസികൾ അറസ്റ്റ് ചെയ്തു . മൂന്ന് മാസങ്ങൾക്ക് മുൻപ് കുപ് വാരയിലെ സൈനിക കേന്ദ്രം ആക്രമിച്ച നാല് ഭീകരന്മാരിലൊരാളായ മൊഹമ്മദ് സാദിഖ് ഗുജ്ജാറാണ് അറസ്റ്റിലായത് .

പാകിസ്ഥാനിലെ സിയാൽ കോട്ട് സ്വദേശിയാണിയാൾ . ഹുസൈൻ , മാലിക് , റിസ്വാൻ എന്നീ മൂൻ ഭീകരർക്കൊപ്പമാണ് മൊഹമ്മദ് സാദിഖ് സൈനിക കേന്ദ്രം ആക്രമിച്ചത് . സൈന്യത്തിന്റെ തിരിച്ചടിയിൽ മറ്റ് മൂന്ന് പേരും കൊല്ലപ്പെട്ടു . പരിക്കേൽക്കാതെ രക്ഷപ്പെട്ട സാദിഖ് കൊടും കാട്ടിൽ മൂന്ന് ദിവസം ഒളിവിൽ കഴിഞ്ഞതിന് ശേഷം കുപ് വാരയിലെത്തുകയും പിന്നീട് ബാരാമുള്ളയിലേക്ക് കടക്കുകയുമായിരുന്നു .

സിയാൽ കോട്ടിലെ കർഷക കുടുംബത്തിൽ പെട്ട മൊഹമംദ് സാദിഖിനെ കൂട്ടുകാരനാണ് ജെയ്ഷ് ഇ മൊഹമ്മദിലേക്ക് ആകൃഷ്ടനാക്കിയത് . ആയുധ പരിശീലനത്തിനൊപ്പം മൂന്ന് മാസത്തെ ജിഹാദിനെക്കുറിച്ചുള്ള പരിശീലനവും സാദിഖിനു ലഭിച്ചതായി അന്വേഷണത്തിൽ വ്യക്തമായി.

1 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close