NewsIndia

യുപി പഞ്ചായത്ത് തെരഞ്ഞെടുപ്പില്‍ പരേതനും വിജയം

ലക്‌നോ: ഉത്തര്‍പ്രദേശിലെ പഞ്ചായത്ത് തെരഞ്ഞെടുപ്പില്‍ പരേതനും വിജയം. ധര്‍മെ വില്ലേജിലെ സേത്ര പഞ്ചായത്തില്‍ മുജേന ബ്ലോക്കിലേക്കാണ് പരേതന്‍ തെരഞ്ഞെടുക്കപ്പെട്ടത്.

വോട്ടെടുപ്പ് നടന്ന 13 ന് മൂന്ന് ദിവസം മുന്‍പ് ഇവിടെ സ്ഥാനാര്‍ഥിയായിരുന്ന രംഗീലാല്‍ മരിച്ചിരുന്നു. എന്നാല്‍ പഞ്ചായത്ത് തെരഞ്ഞെടുപ്പില്‍ ആ ഘട്ടത്തില്‍ തെരഞ്ഞെടുപ്പ് റദ്ദാക്കാന്‍ മാര്‍ഗമില്ലാത്തതിനാല്‍ മുന്‍ നിശ്ചയിച്ചതുപോലെ വോട്ടെടുപ്പ് നടത്താന്‍ തീരുമാനിക്കുകയായിരുന്നുവെന്ന് വരണാധികാരിയും ജില്ലാ മജിസ്‌ട്രേറ്റുമായ അജയ് കുമാര്‍ ഉപാദ്ധ്യായ പറഞ്ഞു.
മരിച്ച രംഗിലാല്‍ അടക്കം നാല് സ്ഥാനാര്‍ഥികളായിരുന്നു ബ്ലോക്കിലേക്ക് മത്സരരംഗത്തുണ്ടായിരുന്നത്. 641 വോട്ടുകളാണ് രംഗീലാലിന് ലഭിച്ചത്. രണ്ടാം സ്ഥാനത്ത് എത്തിയ രാജ്കുമാറിന് 61 വോട്ടുകള്‍ മാത്രമാണ് ലഭിച്ചത്.
വോട്ടെണ്ണലിന്റെ റിപ്പോര്‍ട്ട് തെരഞ്ഞെടുപ്പ് കമ്മീഷന് അയച്ചിട്ടുണ്ട്. ഇവിടെ നിന്നുള്ള മറുപടി അനുസരിച്ചാകും തുടര്‍ നടപടികള്‍ സ്വീകരിക്കുക.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close