കൊട്ടാരക്കര: ആര്എസ്എസ് പ്രവര്ത്തകരുടെ വീടുകളില് പൊലീസ് നടത്തിയ തെരച്ചിലിനിടെ സ്ത്രീകള് അടക്കമുളളവരെ മര്ദ്ദിച്ചുവെന്ന പരാതിയില് മനുഷ്യാവകാശ കമ്മീഷനും വനിതാ കമ്മീഷനും നടപടി സ്വീകരിക്കണമെന്ന് ബിജെപി സംസ്ഥാന അദ്ധ്യക്ഷന് കുമ്മനം രാജശേഖരന്. പൗരന്മാരുടെ ജീവനും സ്വത്തിനും സംരക്ഷണം നല്കേണ്ടവര് അക്രമികളായി മാറുകയാണെന്നും കുമ്മനം കുറ്റപ്പെടുത്തി.
സംസ്ഥാനത്ത് പൊലിസ് രാജ് ആണ് നടക്കുന്നത്. വ്യാജ കേസുകള്ക്കും പോലിസ് മര്ദ്ദനത്തിനും പിന്നില് കൊടിക്കുന്നില് സുരേഷ് എംപി ഉള്പ്പെടെയുള്ള കോണ്ഗ്രസ് നോതാക്കളാണെന്നും കുമ്മനം ആരോപിച്ചു. പൊലീസ് മര്ദ്ദനത്തില് പരിക്കേറ്റ് ആശുപത്രിയില് കഴിയുന്ന സത്രീകളെ കുമ്മനം സന്ദര്ശിച്ചു. പി.കെ കൃഷ്ണദാസ് ഉള്പ്പെടെയുളള നേതാക്കളും കുമ്മനത്തിന് ഒപ്പം ഉണ്ടായിരുന്നു.
കഴിഞ്ഞ ദിവസം ആര്എസ്എസ് പ്രവര്ത്തകരും പൊലീസുമായി ഉണ്ടായ സംഘര്ഷത്തിന്റെ തുടര്ച്ചയായിട്ടാണ് ആര്എസ്എസ് നേതാക്കളുടെയും പ്രവര്ത്തകരുടെയും വീടുകളില് പൊലീസ് പരിശോധനയ്ക്ക് എത്തുന്നത്. അര്ധരാത്രി എത്തിയ പൊലീസ് സ്ത്രീകളെപ്പോലും മര്ദ്ദിക്കുകയും വീടിന് നേരെ അക്രമം നടത്തുകയും ചെയ്തതായി നിരവധി പരാതികള് ഉയര്ന്നിരുന്നു.
കഴിഞ്ഞ ദിവസം ആര്എസ്എസ് ജില്ലാ പ്രചാര് പ്രമുഖ് ആര്.വേണു, താലൂക്ക് ശാരീരിക് പ്രമുഖ് സുമരാജ്, ബിജെപി പ്രാദേശിക നേതാവ് ചന്ദ്രന് എന്നിവരുടെ വീടുകളിലേക്ക് അതിക്രമിച്ചു കടന്ന പോലീസ് സംഘം വീട്ടുസാധനങ്ങള് നശിപ്പിക്കുകയും വീട്ടിലുണ്ടായിരുന്നവരെ ഭീഷണിപ്പെടുത്തുകയും ചെയ്തിരുന്നു. കഴിഞ്ഞ ദിവസം രാത്രി ബൈക്കില് വീട്ടിലേക്ക് പോകുകയായിരുന്ന ആര്എസ്എസ് കൊട്ടാരക്കര താലൂക്ക് പ്രചാരക് ബിനീഷിനെ അന്യായമായി കസ്റ്റഡിയിലെടുക്കുകയും മര്ദ്ദിക്കുകയും ചെയ്ത കൊട്ടാരക്കര എസ്ഐയുടെ നടപടിയാണ് സംഘര്ഷത്തിന് ഇടയാക്കിയത്.
ബിനീഷിനെ സ്റ്റേഷനില് നിന്ന് ഇറക്കാനെത്തിയ ആര്എസ്എസ് നേതാക്കളോടും അപമര്യാദയായി പെരുമാറിയ എസ്ഐ ശിവപ്രസാദ് ഇവരെ മര്ദ്ദിക്കുകയും ചെയ്തു. തുടര്ന്ന് കൂടുതല് പ്രവര്ത്തകര് സ്റ്റേഷനിലെത്തിയതോടെയാണ് സംഘര്ഷത്തിലേക്ക് നീങ്ങിയത്. നേരത്തെ ചുമതലയിലിരുന്ന സ്റ്റേഷനുകളില് നടന്ന പല സംഭവങ്ങളിലും ആരോപണ വിധേയനാണ് എസ്ഐ ശിവപ്രസാദ്.