NewsIndia

കശ്മീരിൽ ബിജെപിയുമായി സഖ്യം തുടരും പി ഡി പി

ശ്രീനഗർ : കശ്മീരിൽ ബിജെപിയുമായി സഖ്യം തുടരുമെന്ന് പി ഡി പി വക്താവ് മെഹബൂബ് ബേഗ് അറിയിച്ചു . കോൺഗ്രസ് പോലുള്ള സംഘടനകളുമായി സഖ്യത്തിനുള്ള യാതൊരു സാദ്ധ്യതകളുമില്ലെന്നും ബേഗ് മാദ്ധ്യമങ്ങളോട് പറഞ്ഞു.

ഏഴ് ദിവസത്തെ ഔദ്യോഗിക ദുഖാചരണത്തിന് ശേഷം ഏറ്റവും അടുത്ത സമയത്ത് തന്നെ മെഹബൂബ മുഫ്തി മുഖ്യമന്ത്രിയായി സത്യപ്രതിജ്ഞ ചെയ്യും . പി ഡി പി ജനവിധി അംഗീകരിക്കുന്നുവെന്നും മുഫ്തി മുഹമ്മദ് സയ്ദ് മന്ത്രിസഭ മുന്നോട്ടു വച്ച വികസന അജണ്ട പിന്തുടരുമെന്നും ബേഗ് വ്യക്തമാക്കി.

ജമ്മു കശ്മീർ മുഖ്യമന്ത്രിയായിരുന്ന മുഫ്തി മുഹമ്മദ് സെയ്ദ് ജനുവരി 7 ന് അന്തരിച്ചതോടെയാണ് പുതിയ മുഖ്യമന്ത്രിയെ തെരഞ്ഞെടുക്കേണ്ട സാഹചര്യം ഉണ്ടായത് . ഇതിനിടെ കോൺഗ്രസ് അദ്ധ്യക്ഷ സോണിയ ഗാന്ധി മെഹബൂബ മുഫ്തിയെ സന്ദർശിച്ചത് ഏറെ ചർച്ചകൾക്ക് വഴി തെളിച്ചിരുന്നു .

കോൺഗ്രസുമായി പിഡിപി സഖ്യത്തിന് സാദ്ധ്യത ആരായുന്നതായുള്ള അഭ്യൂഹങ്ങളും പ്രചരിച്ചിരുന്നു . എന്നാൽ ഇതെല്ലാം അടിസ്ഥാന രഹിതമാണെന്ന് തെളിയിക്കുന്നതായിരുന്നു മെഹബൂബ് ബേഗിന്റെ പരാമർശം.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close