മലപ്പുറം: പുത്തനത്താണിയിൽ ഇന്നു രാവിലെ 6.30 നുണ്ടായ അപകടത്തിൽ യു.ഡി.എഫിന്റെ ഏലത്തൂർ സ്ഥാനാർത്ഥിക്ക് പരിക്കേറ്റു. പി. കിഷൻ ചന്ദിനാണ് പരിക്കേറ്റത്.
ഗുരുവായൂർ ക്ഷേത്രദർശനം കഴിഞ്ഞ് മടങ്ങിയെത്തുന്ന വഴിയായിരുന്നു. കിഷൻ ചന്ദ് സഞ്ചരിച്ചിരുന്ന കാറിൽ ടാങ്കർ ലോറി വന്നിടിക്കുകയായിരുന്നു.
കിഷൻ ചന്ദിനോടൊപ്പം യാത്ര ചെയ്തിരുന്ന മുമ്പളളത്ത് നന്ദഗോപാൽ, അരങ്ങിൽ ശ്രീധരന്റെ മകൻ അരങ്ങിൽ ഉമേഷ്, അതുൽ എന്നിവർക്കും അപകടത്തിൽ പരിക്കേറ്റിട്ടുണ്ട്.
കിഷൻ ചന്ദിനെ കോഴിക്കോട് മിംസ് ആശുപത്രിയിൽ പ്രവേശിപ്പിച്ചു. മറ്റുള്ളവരെ കോട്ടക്കലുളള സ്വകാര്യ ആശുപത്രിയിലാണ് പ്രവേശിപ്പിച്ചിരിക്കുന്നത്.
