തിരുവനന്തപുരം: കോൺഗ്രസ് നേതാക്കൾ തെരഞ്ഞെടുപ്പിൽ തന്നെ പിന്നിൽ നിന്നു കുത്തിയെന്ന് കോൺഗ്രസ് സ്ഥാനാർത്ഥി പത്മജ വേണുഗോപാൽ. കരുണാകരനെ പിന്നിൽ നിന്നു കുത്തിയ അതേ അനുഭവമാണ് തനിക്കും നേരിട്ടതെന്നും പത്മജ വേണുഗോപാൽ പറഞ്ഞു.
കാലു പിടിച്ചു വിളിച്ചിട്ടും പല നേതാക്കളും പ്രചാരണത്തിനു വന്നില്ലെന്നും, നേതാക്കളെ ഭയന്ന് ആദ്യഘട്ടത്തിൽ പ്രവർത്തകർ പോലും പ്രചാരണത്തിന് ഉത്സാഹിച്ചില്ലെന്നും, തെരഞ്ഞെടുപ്പിൽ ഈ ഘടകങ്ങളെല്ലാം തന്നെ പ്രതികൂലമായി ബാധിച്ചെന്നും പത്മജ കൂട്ടിച്ചേർത്തു. ഈ കാര്യങ്ങൾ ചൂണ്ടിക്കാട്ടി തിങ്കളാഴ്ച കെ.പി.സി.സിയ്‌ക്കു പരാതി കൊടുക്കുമെന്നും അവർ പറഞ്ഞു.
