ന്യൂഡല്‍ഹി: പ്രധാനമന്ത്രിയുടെ വിവിധഭാഷയിലുള്ള വെബ് സൈറ്റ് വിദേശകാര്യമന്ത്രി സുഷമ സ്വരാജ് ഉദ്ഘാടനം ചെയ്തു. മലയാളമടക്കം ഏഴ് ഭാഷകളില്‍ ഇനി വെബ് സൈറ്റ് ലഭ്യമാകും.
നേരത്തെ ഹിന്ദിയിലും ഇംഗ്ലീഷിലും മാത്രം ലഭ്യമായിരുന്ന pmindia.gov.in സൈറ്റ് മലയാളത്തിനു പുറമെ ബംഗാളി, മറാത്തി, ഗുജറാത്തി, തമിഴ്, തെലുങ്ക് എന്നീ ഭാഷകളിലാണ് ഇനിമുതല്‍ ലഭ്യമാകുക.
ജനങ്ങളിലേക്ക് നേരിട്ടിറങ്ങിച്ചെല്ലാനുള്ള പ്രധാനമന്ത്രിയുടെ ശ്രമത്തിന്റെ ഭാഗമാണിതെന്ന് സൈറ്റ് ഉദ്ഘാടനം ചെയ്തുകൊണ്ട് സുഷമ സ്വരാജ് പറഞ്ഞു.
