Gulf

UAE യിലും വിദ്യാര്‍ഥികള്‍ക്ക് പഠനത്തോടൊപ്പം തൊഴില്‍ ചെയ്യാന്‍ അവസരം

ദുബായ്: പാശ്ചാത്യന്‍ രാജ്യങ്ങളുടെ മാതൃകയില്‍ ഇനി മുതല്‍ UAE യിലും വിദ്യാര്‍ഥികള്‍ക്ക് പഠനത്തോടൊപ്പം തൊഴില്‍ ചെയ്യാന്‍ അവസരം ഒരുങ്ങുന്നു. മലയാളികളടക്കം ആയിരക്കണക്കിന് വിദേശികള്‍ക്ക് ഏറെ സഹായകരമാകുന്നതാണ് പുതിയ നിയമം.

UAEയില്‍ പ്രൈമറി തലം മുതലുള്ള വിദ്യാർത്ഥികള്‍ക്കാണ് പഠനത്തോടൊപ്പം ജോലി ചെയ്യാമെന്ന പുതിയ വ്യവസ്ഥ നിലവില്‍ വന്നത്. 18 വയസ്സില്‍ താഴെ ഉള്ളവര്‍ക്ക് രക്ഷിതാവിന്‍റെ സമ്മതപത്രത്തോടെ പുതിയ തൊഴില്‍ പെര്‍മിറ്റിന് അപേക്ഷിക്കാം. താല്‍ക്കാലികം, ഭാഗികം, ജുവനെയില്‍ എന്നീ വിഭാഗങ്ങളിലാണ് വിദ്യാര്‍ത്ഥികള്‍ക്ക് ജോലി ചെയ്യാന്‍ സാധിക്കുക.

ജോലിചെയ്യുന്ന വിദ്യാർഥികൾക്ക് അതേ തസ്‌തികയിലുള്ള തൊഴിലാളികളുടെ അവകാശങ്ങളും ആനുകൂല്യങ്ങളും തൊഴിലുടമ ഉറപ്പു വരുത്തണം. വിദ്യാര്‍ത്ഥികള്‍ക്ക് പരമാവധി ജോലിസമയം ആറു മണിക്കൂറായി നിജപ്പെടുത്തണമെന്നും പ്രാർഥന, ഭക്ഷണം. എന്നിവയ്‌ക്കു സമയം അനുവദിക്കണമെന്നും, തുടർച്ചയായി നാലുമണിക്കൂറിലധികം ജോലി ചെയ്യിക്കരുതെന്നും UAE മനുഷ്യ വിഭവ ശേഷി മന്ത്രാലയം അറിയിച്ചു.

31 തൊഴില്‍ മേഖലകളില്‍ വിദ്യാര്‍ഥികള്‍ക്ക് ജോലി ചെയ്യാനാകില്ലെന്നും, പരമാവധി ഒരു വര്‍ഷം വരെയാണ് ജോലിയുടെ കാലാവധിയെന്നും UAE മനുഷ്യ വിഭവശേഷി മന്തി സക്കര്‍ ഗോബാഷ് സെയീദ് ഗോബാഷിന്‍റെ പ്രസ്താവനയില്‍ പറയുന്നു. ഉന്നത പഠനത്തിന് ഉയര്‍ന്ന സാമ്പത്തിക ചിലവുള്ള UAE യില്‍ മലയാളികളടക്കമുള്ള വിദേശികള്‍ക്ക് ഈ തീരുമാനം വലിയൊരളവില്‍ ആശ്വാസമാകും .

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close