India

ലാളിത്യത്തിന്റെ പ്രതീകം; യുവാക്കളുടെ വഴികാട്ടി

ന്യൂഡല്‍ഹി: പൊഖ്‌റാന്‍ ആണവ പരീക്ഷണളോടെ ലോകശ്രദ്ധ നേടിയ ആണവ ശാസ്ത്രജഞന്‍ ഇന്ത്യയുടെ പ്രഥമ പൗരനായെങ്കിലും ഭാരതത്തിന്റെ മിസൈല്‍ മാന്‍ എന്ന വിശേഷണം എ.പി.ജെ.അബ്ദുള്‍ കലാമിനെ ഒരിക്കലും വിട്ടുപോയില്ല. യുവാക്കളുടെ വഴികാട്ടിയും ലാളിത്യത്തിന്റെ പ്രതീകവുമായിരുന്ന അദ്ദേഹം ഭാരതം കണ്ട ഏറ്റവും ജനകീയനായ രാഷ്ട്രപതി ആയിരുന്നു.kalam

രാജ്യത്തിനും ശാസ്ത്രത്തിനും വേണ്ടി ഉഴിഞ്ഞു വെച്ച ജീവിതമായിരുന്നു എ.പി.ജെ.അബ്ദുള്‍കലാമിന്റേത്. 1931 ല്‍ ജനിച്ച ആവുല്‍ പകീര്‍ ജൈനുലബ്ദീന്‍ അബ്ദുള്‍ കലാം എന്ന എ.പി.ജെ.അബ്ദുള്‍ കലാം ഇന്ത്യന്‍ രാഷ്ട്രപതിയായത് തന്റെ മേഖലയില്‍ ശക്തമായ വ്യക്തിമുദ്ര പതിപ്പിച്ചതിനു ശേഷമാണ്. ഫിസിക്‌സും എയ്‌റോസ്‌പേസ് എന്‍ജിനീയറിംഗും പഠിച്ച അദ്ദേഹം ഐ.എസ്.ആര്‍.ഒയിലും ഡി.ആര്‍.ഡി.ഒയിലും ചെലവഴിച്ചത് നാല് പതിറ്റാണ്ടാണ്.

പി.എസ്.എല്‍.വി, എസ്.എൽ.വി റോക്കറ്റുകള്‍ വികസിപ്പിക്കുന്നതില്‍ പ്രധാന പങ്ക് വഹിച്ചത് എ.പി.ജെ.അബ്ദുള്‍കലാം എന്ന സൗമ്യനായ ശാസ്ത്രജ്ഞനായിരുന്നു. എന്‍.ഡി.എ സര്‍ക്കാരിന്റെ കാലത്ത് പൊഖ്‌റാ28akalam4നിലെ ആണവപരീക്ഷണത്തില്‍ പ്രധാനമന്ത്രി അടല്‍ ബിഹാരി വാജ്‌പേയ്‌ക്കൊപ്പം സൈനിക വേഷത്തില്‍ പ്രത്യക്ഷപ്പെട്ട അബ്ദുള്‍ kalaamകലാം ഈ പരീക്ഷണത്തിന്റെ ബുദ്ധികേന്ദ്രം കൂടിയായിരുന്നു.

ശാസ്ത്രലോകത്തേക്ക് യുവതലമുറയെയും കുട്ടികളെയും ഇത്രമേല്‍ ആകര്‍ഷിച്ച മറ്റൊരു ശാസ്ത്രജ്ഞനോ രാഷ്ട്രപതിയോ ഭാരതത്തില്‍ ഉണ്ടായിട്ടില്ല. കുട്ടികളുടെ സംശയങ്ങള്‍ക്ക് മറുപടി പറയാന്‍ അദ്ദേഹം കാണിച്ച ഉത്സാഹവും താല്‍പര്യവും എടുത്തുപറയേണ്ടതാണ്. രാഷ്ട്രപതിയായിരുന്നപ്പോള്‍ പദവിയുടെ വേലിക്കെട്ടുകളും വിലക്കും പൊളിച്ചെറിഞ്ഞ് ചെല്ലുന്നിടത്തെല്ലാം അദ്ദേഹം കുട്ടികളുടെ ഇടയിലേക്കിറങ്ങി.
പുസ്തകങ്ങളിലൂടെയും താന്‍ സമ്പാദിച്ച അറിവുകൊണ്ടും അദ്ദേഹം കുട്ടികളുമായി സംവദിച്ചു.

ഈ കൊച്ചു കേരളവും അബ്ദുള്‍ കലാമിന്റെ സ്‌നേഹം ഒന്നിലേറെ തവണ അനുഭവിച്ചറിഞ്ഞിട്ടുണ്ട്. ഒന്നുറപ്പിക്കാം ഭാരതത്തിന് നഷ്ടപ്പെട്ടത് അറിവിന്റെ അമൂല്യസമ്പത്താണ്. ഭാരതത്തിന് മാത്രം സ്വന്തമായിരുന്ന അറിവിന്റെ കലവറ.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close