കൊച്ചി: ബാങ്കുകളില് പണം മാറിയെടുക്കാന് ജനം പാടുപെടുമ്പോള് ഇടത് ആഭിമുഖ്യമുളള ബാങ്ക് ജീവനക്കാര് ബാങ്കുകളിലുണ്ടാവില്ല. ജനങ്ങള് സാമ്പത്തിക പരിഷ്കരണത്തോട് സഹകരിക്കുമ്പോഴാണ് ബാങ്ക് ജീവനക്കാരുടെ സമ്മേളനം തൊടുപുഴയില് നടക്കുന്നത്
അഞ്ഞൂറ്, ആയിരം രൂപ നോട്ടുകള് നിരോധിച്ചത് മൂലം പുതിയ നോട്ടുകള് മാറ്റിവാങ്ങാനും പണം നിക്ഷേപിക്കാനുമെത്തിവരെ വട്ടംചുറ്റിച്ചുകൊണ്ടാണ് ഇടത് ആഭിമുഖ്യമുളള ബാങ്ക് ജീവനക്കാരുടെ സംസ്ഥാന സമ്മേളനം തൊടുപുഴയില് നടക്കുന്നത്.
മൂന്ന് ദിവസമാണ് ബാങ്ക് ജീവനക്കാര് അവധിയെടുത്തിരിക്കുന്നത്. അടിയന്തര സാഹചര്യം കണക്കിലെടുത്ത് സമ്മേളനം മാറ്റിവെയ്ക്കണമെന്ന് പല ഭാഗങ്ങളില് നിന്നും ആവശ്യം ഉയര്ന്നിരുന്നെങ്കിലും സിഐടിയു നേതൃത്വം ഇതിന് അനുമതി നല്കിയില്ലെന്നാണ് അറിയുന്നത്. മാത്രമല്ല ബാങ്ക് ജീവനക്കാര് ഏറ്റവുമധികം പങ്കെടുക്കുന്ന പ്രകടനം പോലും വേണ്ടെന്നു വയ്ക്കാന് സംഘടന തയ്യാറായിട്ടില്ല.
ശനി, ഞായര് ദിവസങ്ങളിലും ബാങ്കുകള് തുറന്ന് പ്രവര്ത്തിക്കുമെന്ന് കേന്ദ്ര സര്ക്കാര് നേരത്തെ വ്യക്തമാക്കിയിരുന്നു. എന്നാല് ജീവനക്കാരില് പലരും ലീവെടുക്കുന്നതോടെ ജനം വീണ്ടും കഷ്ടത്തിലാകും.