NewsGulf

അന്താരാഷ്ട്ര പ്രതിരോധ പ്രദർശനത്തിന് സന്ദർശക തിരക്കേറുന്നു

അബുദാബി: 13-ാം മത് അന്താരാഷ്ട്ര പ്രതിരോധ പ്രദർശനത്തിന് സന്ദർശക തിരക്കേറുന്നു. അബുദാബി നാഷണൽ എക്‌സിബിഷൻ സെന്ററിൽ നടക്കുന്ന പ്രദർശനത്തിൽ പ്രതിരോധരംഗത്തെ അത്യാധുനിക ഉപകരണങ്ങൾ,സാങ്കേതിക വിദ്യകൾ എന്നിവയാണ് പ്രധാനമായും പ്രദർശിപ്പിക്കുന്നത്.

യു.എ.ഇ പ്രസിഡന്റ് ഷെയ്ഖ് ഖലീഫ ബിൻ സായിദ് അൽ നഹ്യാന്റെ രക്ഷാകർതൃത്വത്തിൽ നടക്കുന്ന പ്രദർശനത്തിൽ യുദ്ധോപകരണങ്ങളുടെ നിർമ്മാണ രംഗത്ത് പ്രവർത്തിക്കുന്ന 1200 ലേറെ കമ്പനികളാണ് പങ്കെടുക്കുന്നത്. അഞ്ച് ദിവസം നീണ്ട് നിൽക്കുന്ന പ്രദർശനത്തിൽ അൻപതിലേറെ രാജ്യങ്ങളിൽ നിന്നായി ഒരു ലക്ഷത്തോളം സന്ദർശകരാണ് എത്തുന്നത്. പ്രദർശനത്തിന്റെ ഭാഗമായി വിവിധ രാജ്യങ്ങളുടെ സൈനികർ അവതരിപ്പിക്കുന്ന വ്യോമാഭ്യാസവും സൈനികാഭ്യാസങ്ങളും സന്ദർശകർക്കായി ഒരുക്കിയിട്ടുണ്ട്.

ഇതോടൊപ്പം നാവിക രംഗങ്ങളിലെ പുത്തൻ സാധ്യതകളവതരിപ്പിക്കുന്ന നാലാമത് നാവിക പ്രതിരോധ പ്രദര്‍ശനവും അബുദാബി നാഷണൽ എക്‌സിബിഷൻ സെന്ററിൽ സംഘടിപ്പിച്ചിട്ടുണ്ട്. രാവിലെ 10 മുതൽ വൈകിട്ട് 5 വരെയാണു പ്രദർശനം. പൊതുജനങ്ങള്‍ക്ക് സൗജന്യമായി പ്രദർശനം കാണാൻ അവസരമുണ്ട്. പ്രദർശനം വ്യാഴ്ച സമാപിക്കും

415 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close