India

24 പേർ ആത്മഹത്യ ചെയ്തെന്ന് മുഖ്യമന്ത്രി പോലും സമ്മതിച്ചു : എന്നിട്ടും ഒന്നും ശരിയാകാതെ കെ‌എസ്‌ആർടിസി പെൻഷൻകാർ. 

തിരുവനന്തപുരം : ഓണമിങ്ങെത്താറായപ്പോൾ നിവേദനങ്ങളുമായി ഓഫീസുകൾ കയറിയിറങ്ങുകയാണ് കെഎസ്ആർടിസി പെൻഷൻകാർ. ഓണമാഘോഷിക്കാൻ കാണം വിൽക്കേണ്ടി വരുന്ന അവസ്ഥയിലാണെന്ന് മാത്രമല്ല ചിലരെങ്കിലും ആത്മഹത്യയുടെ വക്കിലുമാണ് .

പിഎസ്‌സി പരീക്ഷ വഴി സർക്കാർ സർവീസിലെത്തിയ മറ്റുള്ളവരെപ്പോലെ തന്നെയാണ് കെ‌എസ്‌ആർടി‌സി ജീവനക്കാരും . എന്നാൽ വിരമിച്ചവർക്ക് നൽകുന്നത് സ്റ്റാറ്റ്യൂട്ടറി പെൻഷനല്ല താനും . കോർപ്പറേഷൻ വക നൽകിക്കൊണ്ടിരുന്ന പെൻഷനാകട്ടെ മാസങ്ങളായി മുടക്കത്തിലുമാണ് .

നാലുമാസം കൂടുമ്പോൾ പതിനായിരം രൂപയാണ് പെൻഷൻ ലഭിക്കുന്നതെന്ന് അനുഭവസ്ഥർ പറയുന്നു . അധികാരത്തിലേറി കുറച്ചു ദിവസങ്ങൾക്ക് ശേഷം പങ്കെടുത്ത പരിപാടിയിൽ 24 പേർ പെൻഷൻ കിട്ടാതെ ആത്മഹത്യ ചെയ്തെന്ന് മുഖ്യമന്ത്രി പറഞ്ഞിരുന്നു . എന്നാൽ വർഷം ഒന്നു കഴിഞ്ഞിട്ടും കെ‌എസ്‌ആർടിസി പെൻഷൻകാരുടെ അവസ്ഥയിൽ മാറ്റമൊന്നുമില്ല .

കഴിഞ്ഞ മാർച്ച് 30 നാണ് കെ‌എസ്‌ആർടി‌സി പെൻഷൻകാരുടെ കാര്യത്തിൽ എത്രയും പെട്ടെന്ന് വേണ്ടത് ചെയ്യണമെന്നാവശ്യപ്പെട്ട് ഭരണ പരിഷ്കാര കമ്മീഷൻ ചെയർമാൻ വി എസ് അച്യുതാനന്ദൻ മുഖ്യമന്ത്രിക്ക് കത്തയച്ചത് . നാലുമാസം കഴിഞ്ഞിട്ടും നടപടിയൊന്നുമില്ല. പ്രകടന പത്രികയിൽ എല്ലാം ശരിയാക്കാമെന്ന് പറഞ്ഞ് വോട്ട് ചോദിച്ചവർ ഇപ്പോൾ കൈ മലർത്തുകയാണ്.

പെൻഷൻ സ്റ്റാറ്റ്യൂട്ടറി ആണെന്നും സർക്കാർ നേരിട്ടു നൽകണമെന്നും ഹൈക്കോടതി വിധിച്ചത് 2014 ൽ ആണ് . ഇതിനും നടപടിയൊന്നുമുണ്ടായില്ല . ഇടത് വലത് സർക്കാരുകൾ ഒരേ പോലെ കയ്യൊഴിയുമ്പോൾ കഷ്ടപ്പെടുന്നത് 42,000 പേരുടെ കുടുംബങ്ങളാണ്. പ്രധാനമന്ത്രിയുടെ ഓഫീസിൽ നിന്ന് അന്വേഷണമുണ്ടായതോടെ ഇനിയെങ്കിലും തങ്ങളുടെ കാര്യം ശരിയാകുമെന്ന പ്രതീക്ഷയിലാണ് ഇവർ

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close