Gulf

ഷാർജ ഏകത നവരാത്രി സംഗീതോത്സവം സെപ്റ്റംബർ 21 ന് ആരംഭിക്കും : വിദ്യാരംഭം 30 ന്

ഷാർജ: ഏകത നവരാത്രി സംഗീതോത്സവം സെപ്റ്റംബർ 21 ന് ആരംഭിക്കും ,ഒൻപതു ദിവസത്തെ സംഗീതോൽസവത്തിനു ശേഷം സെപ്റ്റംബർ 30 ന് രാവിലെ വിദ്യാരംഭ ചടങ്ങുകൾ നടക്കും. തിരുവനന്തപുരത്തു നടക്കുന്ന ലോക പ്രശസ്തമായ നവരാത്രി മണ്ഡപം സംഗീതോത്സവത്തിന്റെ അതേ മാതൃകയിലും ചിട്ടയിലും ഭാരതത്തിനു പുറത്തു നടക്കുന്ന ഏക സംഗീതോത്സവം ആണ് ഏകത നവരാത്രി മണ്ഡപം സംഗീതോത്സവം.

 ഗോൾഡ് സെന്ററിന് സമീപമുള്ള റയാൻ ഹോട്ടൽ ഓഡിറ്റോറിയത്തിൽ വച്ചാണ് വിദ്യാരംഭ ചടങ്ങുകൾ നടക്കുക.ഐഎസ്ആർഒ മുൻ ചെയർമാൻ ഡോക്ടർ മാധവൻ നായർ, പ്രശസ്ത സംഗീതജ്ഞനും കേരള സംഗീത നാടക അക്കാദമി പുരസ്‌കാര ജേതാവുമായ പ്രൊഫ. കുമാര കേരള വർമ്മ, പ്രശസ്ത വയലിൻ വിദ്വാൻ രാഗരത്നം ശ്രീ നെടുമങ്ങാട് ശിവാനന്ദൻ തുടങ്ങി സാംസ്‌കാരിക, വിദ്യാഭ്യാസ മേഖലകളിലെ പ്രസിദ്ധരായ ആചാര്യന്മാർ കുട്ടികളെ ആദ്യാക്ഷരം കുറിപ്പിക്കുന്നു.

വിദ്യാരംഭത്തിൽ കുട്ടികളെ പങ്കെടുപ്പിക്കാൻ താൽപ്പര്യമുള്ള രക്ഷിതാക്കൾ മുൻകൂട്ടി രജിസ്റ്റർ ചെയ്യേണ്ടതാണെന്ന് സംഘാടകർ അറിയിച്ചു. സംഗീത അധ്യയന ആരംഭം കുറിക്കുന്നവർക്ക്, പ്രമുഖ സംഗീതജ്ഞരുടെ നേതൃത്വത്തിൽ അതിനുള്ള സൗകര്യവും ഉണ്ടായിരിക്കും. രെജിസ്ട്രേഷൻ സംബന്ധിച്ചിട്ടുള്ള കൂടുതൽ വിവരങ്ങൾക്ക് ബന്ധപ്പെടേണ്ട നമ്പർ : 050 9689182 / 050 4778500 Email – [email protected]

260 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close