Gulf

സോഷ്യൽ മീഡിയയിലൂടെ അശ്ലീല വീഡിയോകൾ പ്രചരിപ്പിച്ചു ; യുവതിക്ക് ഒരു വർഷം തടവ് ശിക്ഷ

അബുദബി: ട്വിറ്റർ, സ്നാപ് ചാറ്റ്, ഇൻസ്റ്റഗ്രാം തുടങ്ങിയ വിവിധ സമൂഹമാദ്ധ്യമങ്ങൾ വഴി അശ്ലീല വീഡിയോകൾ പ്രചരിപ്പിച്ചതിന് അബുദാബിയിൽ അറബ് യുവതിക്ക് ഒരു വർഷം തടവും 250,000 ദിർഹം പിഴയും.

അബുദാബി ഫെഡറൽ സുപ്രീം കോടതിയാണ് പൊതുസദാചാരം ലംഘിച്ചതിന്റെയും അസഭ്യം പ്രചരിപ്പിച്ചതിന്റെയും പേരിൽ യുവതിക്ക് ശിക്ഷ വിധിച്ചത്. യുവതിയുടെ സമൂഹമാദ്ധ്യമങ്ങളിലെ അക്കൗണ്ടുകൾ നിരീക്ഷിച്ച ശേഷം കഴിഞ്ഞ മാസം അറസ്റ്റ് ചെയ്യാൻ നിർദ്ദേശിക്കുകയായിരുന്നു.

അറസ്റ്റിലായ പ്രതി കുറ്റം സമ്മതിച്ചു. ‘ദമാനി’ എന്ന പേരിൽ സമൂഹമാദ്ധ്യമങ്ങളിൽ അക്കൗണ്ട് ഉണ്ടാക്കി യുവതി അശ്ലീല വീഡിയോകൾ പ്രചരിപ്പിക്കുകയായിരുന്നു. യുവതിയുടെ സമൂഹമാദ്ധ്യമങ്ങളിലെ മുഴുവൻ അക്കൗണ്ടുകൾ അടച്ചുപൂട്ടാനും വീഡിയോകൾ പ്രചരിപ്പിക്കാൻ ഉപയോഗിച്ചിരുന്ന കംപ്യൂട്ടർ ഉൾപ്പെടെയുള്ള മുഴുവൻ ഇലക്ട്രോണിക് ഉപകരണങ്ങൾ പിടിച്ചെടുക്കാനും കോടതി നിർദേശിച്ചു.

ശിക്ഷയ്ക്കുശേഷം യുവതിയെ നാടുകടത്തും.

196 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close