Gulf

മാദ്ധ്യമ പ്രവർത്തകൻ വി എം സതീഷ്​ അന്തരിച്ചു

ദുബായ്: രണ്ടു പതിറ്റാണ്ടായി യുഎഇയിലെ മാദ്ധ്യമ സാമൂഹിക രംഗത്ത്​ നിറസാന്നിധ്യമായിരുന്ന വിഎം സതീഷ്​ (54) അന്തരിച്ചു. ബുധനാഴ്​ച രാത്രി അജ്​മാനിലെ ആശുപത്രിയിലായിരുന്നു മരണം. കഴിഞ്ഞ ദിവസം സന്ദർശക വിസയിൽ യുഎഇയിൽ എത്തിയ സതീഷിന്​ ഹൃദയാഘാതം അനുഭവപ്പെട്ടതിനെ തുടർന്ന്​ ശസ്​ത്രക്രിയക്ക്​ വിധേയനാക്കിയിരുന്നു. എന്നാൽ രാത്രിയോടെ സ്ഥിതി ഗുരുതരമാവുകയും മരണം സംഭവിക്കുകയുമായിരുന്നു.

കോട്ടയം ഇത്തിത്താനം വഴിപ്പറമ്പിൽ മാധവന്റെയും തങ്കമ്മയുടെയും മകനായ സതീഷ്​ ബോംബേ ഇന്ത്യൻ എക്​സ്​പ്രസിലൂടെയാണ്​ മാദ്ധ്യമ പ്രവർത്തനം ആരംഭിക്കുന്നത്​. ഒമാൻ ഒബ്സർവർ പ​ത്രത്തിൽ നിന്നാണ്​ യുഎഇയിൽ എത്തുന്നത്​. എമിറേറ്റ്​സ്​ ടുഡേ, സെവൻ ഡേയ്​സ്​ ​ എമിറേറ്റ്​സ്​ 24X7, ഖലീജ്​ ടൈംസ്​ എന്നിവിടങ്ങളിൽ ജോലി ചെയ്​തു. ഏതാനും മാസമായി​ എക്​സ്​പാറ്റ്സ്​​ ന്യൂസ്​, ഡിജിറ്റൽ മലയാളി എന്നീ പോർട്ടലുകൾ ആരംഭിച്ച്​ പ്രവർത്തിച്ചു വരികയായിരുന്നു.

ഗൾഫിലെ തൊഴിലാളികളുടെ ജീവിതവുമായി ബന്ധപ്പെട്ട ഒട്ടനവധി വാർത്തകളും ലേഖനങ്ങളും ഏറെ ശ്രദ്ധിക്കപ്പെട്ടു. പ്രവാസികളുടെയും കുടിയേറ്റ തൊഴിലാളികളുടെയും വിഷയങ്ങൾ സമ്മേളനങ്ങളിൽ അവതരിപ്പിക്കാൻ ഇദ്ദേഹം മുന്നിലുണ്ടായിരുന്നു. എഴുത്തിലെയും നിലപാടിലെയും മൂർച്ചയാണ്​ സതീഷിനെ വേറിട്ടു നിർത്തിയത്.

റിപ്പോർട്ടുകൾ ‘ഡിസ്​ട്രെസ്സിങ്​ എൻകൗണ്ടേഴ്​സ്’​ എന്ന പേരിൽ സമാഹരിച്ച്​ പുസ്തകമാക്കിയിരുന്നു.

ഭാര്യ: മായ. മക്കൾ: ​ശ്രുതി, അശോക്​ കുമാർ.

222 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close