Gulf

നിങ്ങള്‍ ഇവിടെ കാണുന്ന ഓരോ സ്വപ്‌നവും ഇന്ത്യയില്‍ നടപ്പാക്കും ; പ്രവാസികൾക്ക് മോദിയുടെ ഉറപ്പ്

അബുദാബി : ഇന്ത്യയുടെ എല്ലാ ഭാഗങ്ങളേയും പ്രതിനിധാനം ചെയ്യുന്നവരാണ് പ്രവാസികളെന്നും അതുകൊണ്ടു തന്നെ ഇന്ത്യയുടെ വികസനം എങ്ങനെയാണെന്ന് നന്നായി അറിയാവുന്നത് അവർക്കാണെന്നും പ്രധാനമന്ത്രി നരേന്ദ്ര മോദി.

അഴിമതിയും കെടുകാര്യസ്ഥതയും നിറഞ്ഞുനിന്ന ഇന്ത്യയെ നാലുവര്‍ഷം കൊണ്ടു കാര്യക്ഷമതയും പുരോഗതിയും പ്രതീക്ഷയും ഉള്ള രാജ്യമാക്കി മാറ്റാന്‍ കഴിഞ്ഞതായും മോദി ദുബായിൽ പ്രവാസി ഇന്ത്യക്കാരുടെ സമ്മേളനത്തിൽ പറഞ്ഞു.

വ്യവസായ അനുകൂല സാഹചര്യങ്ങൾ ഒരുക്കുന്നതിലും ഇന്ത്യ ഏറെ മുന്നേറി. ദരിദ്രജനങ്ങള്‍ പോലും നോട്ട് നിരോധനം അംഗീകരിച്ചു.
ജി.എസ്.ടിയും ശരിയാണെന്ന് ഏഴ് വര്‍ഷത്തിന് ശേഷം ജനങ്ങൾ തിരിച്ചറിയുമെന്നും മോദി പറഞ്ഞു.

മുപ്പത് ലക്ഷം ഇന്ത്യക്കാരെ അവരുടെ നാടായി ഗള്‍ഫ് രാജ്യങ്ങള്‍ സംരക്ഷിക്കുന്നതിന് താൻ നന്ദി പറയുന്നതായും അദ്ദേഹം പറഞ്ഞു.

യോഗത്തിനു പിന്നാലെ യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ക് മുഹമ്മദ് ബിൻ റാഷിദ് അൽ മക്തൂമുമായി കൂടിക്കാഴ്ച്ച നടത്തും.

ഇന്നു രാവിലെ അബുദാബിയിലെ സൈനിക രക്തസാക്ഷി സ്മാരകമായ വാഹത് അല്‍ കരാമയില്‍ പുഷ്പചക്രം സമര്‍പ്പിച്ച ശേഷമാണ് അദ്ദേഹം ദുബായിലെത്തിയത്.

5K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close