Gulf

അബുദാബിയിൽ വാഹനാപകടം ; നാലു മരണം

അബുദാബി : അബുദാബിയിൽ വാഹനാപകടത്തെത്തുടർന്ന് നാല് മരണം.ഒമാനിൽ നിന്നുള്ള കുടുംബത്തിലെ അംഗങ്ങളാണ് മരിച്ച നാല് പേരും. അപകടത്തിൽ നാലു പേർക്ക് ഗുരുതരമായി പരിക്കേൽക്കുകയും ചെയ്തു.

അബുദാബി ശൈഖ് ഖലീഫ ബിൻ സായിദ് റോഡിൽ അൽ മർഫ പാലത്തിന് സമീപമായാണ് അപകടം നടന്നത്.

വേഗത്തിൽ വന്ന വാഹനം പെട്ടെന്ന് തിരിക്കാൻ ശ്രമിച്ചതാണ് അപകടകാരണമെന്ന് അൽ ദഫ്റ ട്രാഫിക് വിഭാഗം ഡയറക്ടർ ബ്രിഗേഡിയർ മുഹമ്മദ് മുഹല്ലം അൽ മഹ്‌റാമി പറഞ്ഞു.

രാജ്യാതിർത്തികൾ താണ്ടി വരുന്ന ദീർഘദൂര യാത്രക്കാർ തിരക്ക് കുറഞ്ഞ ഭാഗങ്ങളിൽ വാഹനം അൽപസമയം നിർത്തി ക്ഷീണം മാറ്റിയ ശേഷമേ വാഹനമോടിക്കാൻ പാടുള്ളുവെന്ന് പോലീസ് നിർദേശിച്ചു.

ഏതെങ്കിലും തരത്തിലുള്ള ബുദ്ധിമുട്ടുകൾ അനുഭവപ്പെടുകയാണെങ്കിൽ നിർബന്ധമായും ഡ്രൈവർമാർ വിശ്രമിക്കണം. അപകടത്തിൽ മരിച്ചവരുടെ കുടുംബത്തിന് പോലീസ് അനുശോചനം അറിയിച്ചു.

162 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close