ചെന്നൈ : തെന്നിന്ത്യന് സിനിമകളുടെ വ്യാജ പതിപ്പുകള് പകര്ത്തി ഇന്റര്നെറ്റ് വഴി പ്രചരിപ്പിക്കുന്ന തമിഴ് റോക്കേഴ്സിന്റെ പ്രധാന അഡ്മിന് ഉള്പ്പെടെയുള്ളവരെ ആന്റി പൈറസി സെൽ അറസ്റ്റ് ചെയ്തു.
തമിഴ്നാട് വില്ലുപുറം സ്വദേശി കാര്ത്തി (24) കൂട്ടാളികളായ സുരേഷ് (24), ടി എന് റോക്കേഴ്സ് ഉടമ പ്രഭു (24),ഡിവിഡി റോക്കേഴ്സ് ഉടമകളായ സ്വദേശികള് ജോണ്സണ്(30), മരിയ ജോണ് (22) തുടങ്ങിയവരാണ് പിടിയിലായത്.
വിവിധ സിനിമകള് പൈറസി ചെയ്ത് ടോറന്റ് സൈറ്റ് ആയ തമിള് റോക്കേഴ്സ്.ഇന്, തമിള്റോക്കേഴ്സ്.എസി, തമിള്റോക്കേഴ്സ്,എംഇ തുടങ്ങി പത്തൊമ്പത് ഡൊമൈനുകളില് സിനിമകള് അപ്ലോഡ് ചെയ്ത് ലക്ഷങ്ങളുടെ വരുമാനം നേടിയിരുന്നു.
ഒരു ഡോമൈന് ഏതെങ്കിലും രീതിയില് ബ്ലോക്ക് ആയാല് ഉടന് തന്നെ മറ്റൊരു ഡോമൈനില് സിനിമകള് അപ്ലോഡ് ചെയ്യുന്നതിനു വേണ്ടി നിരവധി ഡോമൈനുകള് ശേഖരിച്ചാണ് കുറ്റകൃത്യം നടത്തുന്നത്.
കമ്പ്യൂട്ടറില് ശരിയായ ഐപി മറച്ചുവെച്ച് വ്യാജ ഐപി ഉപയോഗിച്ചാണ് പൈറസി നടത്തിയിരുന്നത്. അതിനാല് ഇവ പരിശോധിക്കുമ്പോള് വിദേശങ്ങളിലാണ് ഇവരുടെ വിലാസങ്ങൾ കാണിച്ചിരുന്നത്.
പൈറസി നടത്താന് ഉപയോഗിച്ച ലാപ്ടോപ്പ്, ഹാര്ഡ് ഡിസ്ക്, മൊബൈല്ഫോണ് തുടങ്ങിയ ഉപകരണങ്ങളും പോലീസ് കണ്ടെടുത്തു.
ക്രൈംബ്രാഞ്ച് ആന്റിപൈറസി സെല് പോലീസ് സൂപ്രണ്ട് ബി.കെ പ്രശാന്തന് കാണിയുടെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.