Gulf

ചരിത്രത്തിലാദ്യമായി സൗദി അരാംകോയിൽ വനിതാ അംഗം

റിയാദ് ; ലോകത്തിലെ ഏറ്റവും വലിയ എണ്ണക്കമ്പനിയായ സൗദി അരാംകോയുടെ ബോർഡ് ഓഫ് ഡയറക്ടേഴ്സിൽ ആദ്യമായി വനിതാ അംഗം.

യുഎസ് എണ്ണക്കമ്പനി സുനോകോയുടെ മുൻ മേധാവിയും യുഎസ് സ്വദേശിയുമായ ലിൻ ലാവേർട്ടി എൽസെൻഹാൻസ് (60) ആണു മറ്റു നാലു പുതിയ ഡയറക്ടർമാർക്കൊപ്പം ചുമതലയേൽക്കുന്നത്.

പെട്രോകെമിക്കൽ കമ്പനിയായ റോയൽ ഡച്ച് ഷെല്ലിന്റെ എക‌്സിക്യൂട്ടീവ് വൈസ്പ്രസിഡന്റായിരുന്ന ലിൻ, ശക്തരായ വനിതകളുടെ ഫോബ്സ് പട്ടികയിൽ ഇടംപിടിച്ചിട്ടുണ്ട്. ഓയിൽ സർവീസസ് കമ്പനി ബേക്കർ ഹ്യൂസിന്റെ ഡയറക്ടറായിരുന്നു.

നിലവിൽ ഗ്ലാക്സോ സ്മിത്ക്ലൈൻ ബോർഡംഗമാണ്.ലോകത്തിലെ ഏറ്റവും വലിയ ഐപിഒയ്ക്ക് (പ്രഥമ ഓഹരി വിൽപന) ഒരുങ്ങുന്നതിന്റെ മുന്നോടിയായാണ് അരാംകോയിലെ നിർണായക മാറ്റങ്ങൾ.

സൗദി ധനമന്ത്രി മുഹമ്മദ് അൽ ജദാൻ, സാമ്പത്തിക– ആസൂത്രണമന്ത്രി മുഹമ്മദ് അൽ തുവൈജ്‌രി തുടങ്ങിയവരെയും ബോർഡിൽ പുതുതായി നിയമിച്ചു.

604 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close