ന്യൂഡല്ഹി : ഐഎസ്ആര്ഒ ചാരക്കേസ് അന്വേഷിച്ച ഉദ്യോഗസ്ഥര്ക്കെതിരെ സിബിഐ അന്വേഷണം ആവശ്യമില്ലെന്ന് സുപ്രീംകോടതി.
സിബിഐ അന്വേഷിക്കേണ്ട സാഹചര്യമില്ലെന്ന് നിരീക്ഷിച്ച കോടതി സംസ്ഥാന സര്ക്കാരിന്റെ അന്വേഷണം പോരേയെന്നും ചോദിച്ചു.
ആരോപണ വിധേയരായ ഉദ്യോഗസ്ഥര്ക്കെതിരെ ക്രിമിനല് നടപടി ആവശ്യമില്ല. നമ്പി നാരായണന് സംസ്ഥാന സര്ക്കാര് ആദ്യം നഷ്ടപരിഹാരം നല്കട്ടേയെന്നും കുറ്റക്കാരെന്ന് കണ്ടെത്തുന്ന ഉദ്യോഗസ്ഥരില് നിന്ന് പിന്നീട് തുക ഈടാക്കാമെന്നും സുപ്രീംകോടതി പറഞ്ഞു. കേസില് വാദം കേള്ക്കല് നാളെയും തുടരും.
ഐഎസ്ആര്ഒ ചാരക്കേസിൽ നമ്പി നാരായണനെ കുരുക്കിയത് അന്വേഷിക്കാമെന്ന് സിബിഐ സുപ്രീംകോടതില് നിലപാട് അറിച്ചിരുന്നു.
ചാരക്കേസ് അന്വേഷിച്ച ഉദ്യോഗസ്ഥര്ക്കെതിരെ നടപടി വേണ്ടെന്ന ഹൈക്കോടതി ഉത്തരവിനെതിരെ ശാസ്ത്രജ്ഞന് നമ്പി നാരായണന് നല്കിയ ഹര്ജിയിലാണു വാദം തുടരുന്നത്.
എതിര്കക്ഷികള് ആവശ്യപ്പെട്ടതനുസരിച്ചാണു ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ച് കേസ് ഇന്നത്തേക്കു മാറ്റിവച്ചത്.