കൊച്ചി: മൊബൈല് ഫോണില് സംസാരിച്ച് വാഹനം ഓടിച്ചാല് കേസ് എടുക്കാനാവില്ലെന്ന് ഹൈക്കോടതി. വാഹനം ഓടിക്കുമ്പോള് മൊബൈല് ഫോണില് സംസാരിക്കുന്നത് നിരോധിച്ചുകൊണ്ടുള്ള വ്യവസ്ഥ നിയമത്തില് നിലവില് ഇല്ലാത്തതിനാല് പോലീസിന് കേസ് എടുക്കാന് കഴിയില്ലെന്നാണ് ഹൈക്കോടതി ഡിവിഷന് ബഞ്ചിന്റെ ഉത്തരവ്.
ഫോണില് സംസാരിക്കുന്നത് പൊതുജനങ്ങളെ അപകടപ്പെടുത്തുന്ന ഒന്നാണെങ്കില് മാത്രമേ പോലീസ് നടപടി സാധ്യമാകൂ എന്നും കോടതി ചൂണ്ടിക്കാട്ടി. ഇത്തരത്തില് കേസ് എടുത്ത പോലീസ് നടപടിയെ ചോദ്യം ചെയ്ത് കാക്കനാട് സ്വദേശി എം.ജെ.സന്തോഷ് നല്കിയ ഹര്ജിയിലാണ് ഡിവിഷന് ബഞ്ചിന്റെ വിധി.