Kerala

യൂണിയൻ ഓഫീസ് ആക്രമിച്ചത് ക്യാമ്പസ് ഫ്രണ്ടെന്ന് എസ്.എഫ്.ഐ : പകരം തകർത്തത് എബിവിപിയുടെ കൊടിമരം

കോഴിക്കോട് : അഭിമന്യുവിന്റെ കൊലപാതകത്തെ തുടർന്ന് നടക്കുന്ന പ്രതിഷേധ പ്രകടനങ്ങളുടെ ഭാഗമായി ബിജെപിയുടേയും ആർ.എസ്.എസിന്റെയും കൊടിമരങ്ങളും ഫ്ളക്സുകളും തകർക്കുന്ന നടപടി സിപിഎമ്മും അനുബന്ധ സംഘടനകളും തുടരുന്നു. കോഴിക്കോട് ആർട്ട്സ് കോളേജിൽ യൂണിയൻ ഓഫീസിനു നേരേ ക്യാമ്പസ് ഫ്രണ്ട് ആക്രമണം നടത്തിയതിനു ബദലായാണ് എസ്.എഫ്.ഐ പ്രവർത്തകർ എബിവിപിയുടെ ബോർഡും കൊടിമരവും തകർത്തത്.

ഇന്നലെ അർദ്ധ രാത്രിയോടെ ക്യാമ്പസ് ഫ്രണ്ട് പ്രവർത്തകർ യൂണിയൻ ഓഫീസിൽ അതിക്രമം നടത്തിയെന്നായിരുന്നു എസ്.എഫ്.ഐയുടെ പരാതി . ഓഫീസിന്റെ പൂട്ട് പൊളിച്ചു അകത്തു കടന്നു , എസ് എഫ് ഐ എന്നെഴുതിയത് വികൃതമാക്കിയിട്ടുണ്ട് . ചെഗുവേരയുടെ ചിത്രവും മായ്ച്ചു കളഞ്ഞു . സംഭവത്തിൽ പോലീസ് കേസെടുത്തു അന്വേഷണം ആരംഭിച്ചു. ഇതിനിടയിലാണ് ‌എബിവിപി കൊടിമരം എസ്.എഫ്.ഐ പ്രവർത്തകർ തകർത്തത്.

യൂണിയൻ ഓഫീസ് ക്യാമ്പസ് ഫ്രണ്ട് ആക്രമിച്ചെന്നായിരുന്നു എസ്.എഫ്.ഐയുടെ ആരോപണം. എന്നാൽ നേതാക്കൾ എത്തിയതിനു ശേഷം ആരോപണം പുതിയ രൂപത്തിലായി.വർഗീയശക്തികൾ ആക്രമണം നടത്തിയെന്നായിരുന്നു പുതിയ ആരോപണം. ഇതിനു ശേഷമാണ് എബിവിപി കൊടിമരം തകർത്തത്.പോപ്പുലർ ഫ്രണ്ട് അടക്കമുള്ള മുസ്ലീം മതമൗലിക വാദ പ്രസ്ഥാനങ്ങൾക്കെതിരെ ശക്തമായ പ്രതികരണം നടത്താൻ എസ്.എഫ്.ഐ മടിക്കുന്നു എന്നതിന്റെ മറ്റൊരു ഉദാഹരണമാണിതെന്ന് എബിവിപി ആരോപിച്ചു.

2K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close