India

സാക്കിര്‍ നായികിനെ ബംഗ്ലാദേശില്‍ പ്രവേശിപ്പിക്കില്ലെന്ന് ഷെയ്ക്ക് ഹസീനയുടെ ഉപദേഷ്ടാവ്

ന്യൂഡല്‍ഹി: വിവാദ മത പ്രഭാഷകന്‍ സാക്കിര്‍ നായിക്കിന് ബംഗ്ലാദേശില്‍ അഭയം നല്‍കില്ലെന്ന് ബംഗ്ലാദേശ് പ്രധാനമന്ത്രി ഷെയ്ക്ക് ഹസീനയുടെ രാഷ്ട്രീയ ഉപദേഷ്ടാവ് ഹൊസെയ്ന്‍ തൗഫീക്ക് ഇമാം. ഡല്‍ഹിയില്‍ ഇന്ത്യ-ബംഗ്ലാദേശ് ബന്ധത്തെ കുറിച്ച് നടന്ന ചര്‍ച്ചയില്‍ സംസാരിക്കുകയായിരുന്നു അദ്ദേഹം.

ഞങ്ങള്‍ എല്ലാ രീതിയിലും ഇന്ത്യയെ ആണ് അനുകൂലിക്കുന്നത്. ഭീകരവാദത്തിനെതിരെ യാതൊരു വിട്ടുവീഴ്ചക്കും ഞങ്ങളുടെ സര്‍ക്കാര്‍ ഒരുക്കമല്ല. സാക്കിര്‍ നായിക്കിനെ ബംഗ്ലാദേശില്‍ പ്രവേശിക്കാന്‍ ഒരു കാരണവശാലും അനുവദിക്കില്ല. ഇന്ത്യക്ക് ദോഷകരമാകുന്ന യാതൊരു പ്രവര്‍ത്തനങ്ങളും തങ്ങളുടെ മണ്ണില്‍ അനുവദിക്കില്ലെന്നും അദ്ദേഹം പറഞ്ഞു.

നിലവില്‍ മലേഷ്യയിലാണ് സാക്കിര്‍ നായിക് അഭയം തേടിയിരിക്കുന്നത്. ഇയാളെ ഇന്ത്യയിലേക്ക് നാടുകടത്തുമെന്ന രീതിയില്‍ വാര്‍ത്തകള്‍ വന്നെങ്കിലും മലേഷ്യന്‍ പ്രധാനമന്ത്രി മഹാതിര്‍ മുഹമ്മദ് ഇത് നിഷേധിച്ച് രംഗത്തെത്തുകയായിരുന്നു. വിദ്വേഷമുണ്ടാക്കുന്ന രീതിയില്‍ പ്രസംഗങ്ങള്‍ നടത്തിയതിന് അന്വേഷണം പ്രഖ്യാപിച്ചതോടെയാണ് സാക്കിര്‍ നായിക് മലേഷ്യയില്‍ അഭയം തേടിയത്.

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close