Kerala

റാങ്ക് പട്ടിക മറികടന്ന് സിപിഎം എംഎല്‍എയുടെ ഭാര്യക്ക് സര്‍വകലാശാല അസിസ്റ്റന്റ് പ്രൊഫസര്‍ നിയമനം

കണ്ണൂര്‍: വിജ്ഞാപനവും റാങ്ക് പട്ടികയും മറികടന്ന് സിപിഎം എംഎല്‍എയുടെ ഭാര്യക്ക് കണ്ണൂര്‍ സര്‍വകലാശാലയില്‍ അസിസ്റ്റന്റ് പ്രൊഫസറായി കരാര്‍ നിയമനം. ആദ്യറാങ്കുകാരിയെ ഒഴിവാക്കിയാണ് ഇവര്‍ക്ക് നിയമനം നല്‍കിയിരിക്കുന്നത്. സംവരണ അടിസ്ഥാനത്തില്‍ നിയമനം നല്‍കിയെന്നാണ് സര്‍വകലാശാലയുടെ വിശദീകരണം. എന്നാല്‍ പൊതുവിഭാഗത്തിലേക്ക് വേണ്ടിയാണ് സര്‍വകലാശാല വിജ്ഞാപനമിറക്കിയത്.

കണ്ണൂര്‍ സര്‍വകലാശാലയുടെ സ്‌കൂള്‍ ഓഫ് പെഡഗോഗിക്കല്‍ സയന്‍സിലെ എംഎഡ് വിഭാഗത്തിലാണ് നിയമനം കൊടുത്തിരിക്കുന്നത്. അഭിമുഖത്തില്‍ ഇവര്‍ക്ക് രണ്ടാം റാങ്കാണ് ലഭിച്ചത്. എന്നാല്‍ നിയമനം നല്‍കുന്നതിനു വേണ്ടി സംവരണം നടപ്പാക്കാന്‍ അധികൃതര്‍ തീരുമാനിക്കുകയായിരുന്നു. തുടര്‍ന്ന് ഒഇസി സംവരണത്തില്‍ പെടുത്തി നിയമനം നല്‍കുകയായിരുന്നു. എന്നാല്‍ വിജ്ഞാപനത്തില്‍ ഈ സംവരണക്കാര്യം സൂചിപ്പിച്ചിരുന്നില്ല.

ഒന്നും രണ്ടും റാങ്കുകാര്‍ തമ്മില്‍ അഞ്ചു മാര്‍ക്കിന്റെ വ്യത്യാസമുണ്ട്. ഇതാണ് അട്ടിമറിക്കപ്പെട്ടത്.

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close