World

തലയോട്ടിയിൽ തറച്ച കത്തിയുമായി യുവാവ് ബൈക്കോടിച്ചത് അര മണിക്കൂർ

തലയോട്ടിയില്‍ തറച്ചു കയറിയ കത്തിയുമായി യുവാവ് പൊലീസ് സ്റ്റേഷനിലേക്ക് ബൈക്ക് ഓടിച്ചു കയറ്റി. ചൈനയിലെ ഗുവാന്‍സോവു എന്ന പ്രദേശത്താണ് ഞെട്ടിക്കുന്ന സംഭവമുണ്ടായത്.

ഘിന്‍ എന്ന യുവാവാണ് കത്തി തലയില്‍ കയറി ദുരിത യാത്ര നടത്തിയത്. ഗുവാന്‍സോഹുവില്‍ മോട്ടോര്‍സൈക്കില്‍ ടാക്‌സി സര്‍വീസ് നടത്തുകയാണ് ഇയാള്‍. ഒരു യാത്രക്കാരനുമായുണ്ടായ തര്‍ക്കമാണ് കത്തിക്കുത്തില്‍ കലാശിച്ചത്. എട്ടു ഇഞ്ച് നീളമുള്ള കത്തിയാണ് ഇയാളുടെ തലയിലേക്ക് കുത്തിയിറക്കിയത്.

സമീപത്ത് മറ്റാരും ഇല്ലാത്തതിനാല്‍ സഹായം തേടി ഇയാള്‍ പൊലീസ് സ്റ്റേഷനിലേക്ക് ബൈക്ക് ഓടിക്കുകയായിരുന്നു. തലയില്‍ കയറിയ കത്തിയുമായി 20 മിനിട്ടോളം സമയമെടുത്താണ് ഇയാള്‍ പൊലീസ് സ്റ്റേഷനിലെത്തിയതെന്നാണ് റിപ്പോര്‍ട്ടുകള്‍ പറയുന്നത്.

പൊലീസ് ഉദ്യോഗസ്ഥര്‍ ഉടന്‍ തന്നെ ആശുപത്രിയില്‍ വിവരമറിയിക്കുകയും, ഘിന്നിനെ അത്യാഹിത വിഭാഗത്തില്‍ പ്രവേശിപ്പിക്കുകയുമായിരുന്നു.

കത്തി തലയോട്ടിയിലേക്ക് കയറിയെങ്കിലും രക്തക്കുഴലുകള്‍ക്ക് യാതൊരു പ്രശ്‌നവും സംഭവിച്ചിരുന്നില്ല. അതുകൊണ്ടാണ് ജീവന്‍ രക്ഷിക്കാനായതെന്ന് ആശുപത്രി അധികൃതര്‍ പറഞ്ഞു. ഇയാള്‍ സുഖം പ്രാപിച്ചു വരുന്നതായും അധികൃതര്‍ അറിയിച്ചു.

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close