Kerala

രാജ്യസുരക്ഷയ്ക്ക് ഭീഷണിയായി പാകിസ്ഥാൻ കേന്ദ്രീകൃത വാട്സാപ്പ് ഗ്രൂപ്പുകൾ സജീവമാകുന്നു

തൃശൂർ: രാജ്യസുരക്ഷയ്ക്ക് ഭീഷണിയായി പാകിസ്ഥാൻ കേന്ദ്രീകൃത വാട്സാപ്പ് ഗ്രൂപ്പുകളുടെ രാജ്യത്തെ പ്രചാരം വർദ്ധിക്കുന്നു. പാകിസ്ഥാൻ നമ്പറുകൾ അഡ്മിൻമാരായ ഗ്രൂപ്പുകളിൽ നിരവധി മലയാളികളും അംഗങ്ങളാണ്. പല മലയാള വാട്സ് ആപ്പ് ഗ്രൂപ്പുകളുടെയും നിയന്ത്രണം പാകിസ്ഥാൻ നമ്പറുകൾക്ക്. വിഷയത്തിൽ രഹസ്യാന്വേഷണ വിഭാഗം അന്വേഷണം ആരംഭിച്ചു.

മലയാളി പേരുള്ള മലയാളം വാക്കുകൾ കൊണ്ട് സ്വീകരിക്കുന്ന പല വാട്ട്സ്ആപ്പ് ഗ്രൂപ്പുകളുടെയും അഡ്മിൻ നമ്പറുകൾ +92 എന്നുതുടങ്ങുന്നവയാണ്. അതായത് പാകിസ്ഥാൻ നമ്പറുകൾ. ഇത്തരം നമ്പറുകളുടെ ഉറവിടം അന്വേഷിച്ചാൽ പാകിസ്ഥാനിലെ പഞ്ചാബ് പ്രവിശ്യയിലുള്ള മുൾട്ടാൻ എന്നാണ് അറിയാനാവുക. നിരവധി മലയാളികളും ഗ്രൂപ്പുകളിൽ അംഗങ്ങളാണ്.

സെക്സ് വീഡിയോകളും ചിത്രങ്ങളും നൽകിയാണ് ഇവർ ഗ്രൂപ്പുകളിലേക്ക് അംഗങ്ങളെ ആകർഷിക്കുന്നത്. അംഗമായി കഴിഞ്ഞാൽ പാകിസ്ഥാൻ സിന്ദാബാദ് പോലുള്ള ഗ്രൂപ്പുകളിൽ അംഗമാവാനും മറ്റും നിർദ്ദേശങ്ങളെത്തും. അംഗങ്ങളാവുന്നവരുടെ മറ്റു സാമൂഹിക മാദ്ധ്യമങ്ങളുടെയും നിയന്ത്രണം അഡ്മിന്മാർക്ക് എളുപ്പത്തിൽ കയ്യടക്കാനാകും.

കാർഗിൽ വിജയ് ദിവസമായി ബന്ധപ്പെട്ട ഇന്ത്യൻ പോസ്റ്റുകളെ അധിക്ഷേപിച്ച് ഗ്രൂപ്പിൽ നടന്ന തർക്കങ്ങൾ പൊലീസിന്റെ നിരീക്ഷണത്തിലാണ്. വിവരങ്ങൾ കണ്ടെത്തിയ ഐ ടി വിദഗ്ദർ ഡിജിപിക്ക് പരാതി നൽകി .

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close