Kerala

വിനോദ സഞ്ചാരമേഖലയിൽ കുതിച്ചുചാട്ടം ലക്ഷ്യമിട്ട് കൊച്ചി തുറമുഖം; അന്താരാഷ്ട്രാ ക്രൂയിസ് ടെർമിനലിന് തറക്കല്ലിട്ടു

കൊച്ചി: വിനോദ സഞ്ചാരമേഖലയിൽ കുതിച്ചുചാട്ടം ലക്ഷ്യം വച്ച് കൊച്ചി തുറമുഖം. 26 കോടിയോളം രൂപ മുടക്കി കൊച്ചി തുറമുഖത്ത് നിർമ്മിക്കുന്ന അന്താരാഷ്ട്രാ ക്രൂയിസ് ടെർമിനലിന് കേന്ദ്രമന്ത്രി അൽഫോൺസ് കണ്ണന്താനം തറക്കല്ലിട്ടു. തുറമുഖ വികസനത്തിന് കേന്ദ്ര സർക്കാർ അനുവദിച്ചത് 53 കോടി രൂപയാണ്.

കേന്ദ്ര ടൂറിസം മന്ത്രാലയത്തിന്റെ പിന്തുണയില്‍ വിനോദസഞ്ചാരമേഖലയില്‍ പുത്തന്‍ ഉണര്‍വ് തേടുകയാണ് കൊച്ചി തുറമുഖം. കൊച്ചി തുറമുഖത്ത് അന്താരാഷ്ട്ര ക്രൂയിസ് ടെര്‍മിനല്‍ നിര്‍മ്മാണത്തിനായി കേന്ദ്ര ടൂറിസം മന്ത്രാലയം 21കോടി 41 ലക്ഷം രൂപയാണ് അനുവദിച്ചത്. 25 കോടി 72 ലക്ഷം രൂപയാണ് ക്രൂയിസിന്റെ നിര്‍മ്മാണചലവ്.

2019 ജനുവരിയില്‍ ക്രൂയിസിന്റെ നിര്‍മ്മാണം പൂര്‍ത്തിയാക്കാനാണ് പദ്ധതി. ഇതിലൂടെ വിദേശത്തുനിന്നുള്ള പരമാവധി വിനോദസഞ്ചാരികളെ ആകര്‍ഷിക്കുകയാണ് ലക്ഷ്യം. 5000 സഞ്ചാരികളെ ഒരേ സമയം ഉള്‍ക്കൊള്ളാന്‍ കഴിയുന്നതാണ് പുതിയ ടെര്‍മിനല്‍. 53 കോടി രൂപയാണ് മോദി സര്‍ക്കാര്‍ കൊച്ചി തുറമുഖത്തിനായി ഇതുവരെ അനുവദിച്ചിട്ടുള്ളത്.

തുറമുഖവികസനത്തിന് പണം ഒരു പ്രശ്‌നം ആകില്ലെന്ന് കേന്ദ്രമന്ത്രി അല്‍ഫോൺസ് കണ്ണന്താനം ഉറപ്പുനല്‍കി. രാജ്യത്ത് എത്തുന്ന വിനോദസഞ്ചാരികളുടെ എണ്ണം ആദ്യമായി ഒരുകോടി കഴിഞ്ഞതായും വിനോദസഞ്ചാരികളുടെ വരവിൽ 16 ശതമാനം വളര്‍ച്ച കൈവരിച്ചതായും കണ്ണന്താനം പറഞ്ഞു.

356 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close