Kerala

കുമ്പസാരം സ്വകാര്യതയുടെ ലംഘനം ; നിരോധനമാവശ്യപ്പെട്ട് ഹൈക്കോടതിയില്‍ പൊതു താല്പര്യ ഹര്‍ജി

കുമ്പസാരം നിരോധിക്കണം എന്നാവശ്യപ്പെട്ട് ഹൈക്കോടതിയില്‍ പൊതു താല്പര്യ ഹര്‍ജി. ക്രിസ്ത്യന്‍ പള്ളികളിലെ കുമ്പസാരം നിരോധിക്കണമെന്നാവശ്യപ്പെട്ട് എറണാകുളം സ്വദേശി സിഎസ് ചാക്കോയാണു ഹര്‍ജി സമര്‍പ്പിച്ചത്. വിശ്വാസികള്‍ക്ക് ആത്മീയ സേവനങ്ങള്‍ ലഭിക്കണമെങ്കില്‍ നിര്‍ബന്ധമായും കുമ്പസരിച്ചിരിക്കണമെന്ന് വ്യവസ്ഥയില്ലെന്നും ഇത് ഭരണഘടന ഉറപ്പു നല്‍കുന്ന സ്വകാര്യതയുടെ ലംഘനമാണെന്നുമാണ് ഹര്‍ജിക്കാരന്റെ ആരോപണം. ഇത് വ്യക്തിയുടെ സ്വകാര്യതയിലേക്കുള്ള കടന്നു കയറ്റംആണെന്നും ഹര്‍ജിക്കാരന്‍ വ്യക്തമാക്കുന്നു.

ഇക്കാരണെകൊണ്ടുതന്നെ ക്രിസ്ത്യന്‍ പള്ളികളിലെ നിര്‍ബന്ധിത കുമ്പസാരം നിയമ വിരുദ്ധമാണെന്ന് പ്രഖ്യാപിക്കണമെന്നും ഹര്‍ജിയില്‍ ആവശ്യപ്പെടുന്നു. പള്ളികളില്‍ നിന്ന് തങ്ങള്‍ക്ക് ആത്മീയ സേവനങ്ങള്‍ ലഭിക്കില്ലെന്ന ഭയത്താലാണ് മിക്കവരും കുമ്പസാരം നടത്താന്‍ നിര്‍ബന്ധിതരാകുന്നത്. വൈദികനു മുന്നില്‍ പാപങ്ങള്‍ ഏറ്റു പറയുന്ന തരത്തില്‍ കുമ്പസരിക്കാന്‍ നിര്‍ബന്ധിക്കുന്നത് സ്വകാര്യതയിലേക്കുള്ള കടന്നു കയറ്റമാണ്. കുമ്പസരിച്ചില്ലെന്ന കാരണത്താല്‍ വിശ്വാസികള്‍ക്ക് ആത്മീയ സേവനങ്ങള്‍ നിഷേധിക്കുന്നത് മൗലികാവകാശ ലംഘനം കൂടിയാണെന്നും ഹര്‍ജിയില്‍ വ്യക്തമാക്കുന്നു.ഹര്‍ജിയില്‍ കേന്ദ്ര സംസ്ഥാന സര്‍ക്കാരുകളെയും വിവിധ ക്രിസ്ത്യന്‍ സഭകളെയും എതിര്‍ കക്ഷികളാക്കിയിട്ടുണ്ട്.

അപ്രഖ്യാപിതമായി തുടരുന്ന നിര്‍ബന്ധിത കുമ്പസാരമെന്ന വ്യവസ്ഥ വ്യക്തികള്‍ക്കും കുടുംബങ്ങള്‍ക്കും അനുഷ്ഠിക്കാതെ മറ്റു വഴിയില്ലെന്ന സ്ഥിതിയാണ്. കുമ്പസരിക്കാത്ത വിശ്വാസികളെ ഒറ്റപ്പെടുത്തുകയും വിലക്കുകയും ചെയ്യുന്നത് തടയണമെന്നും ഹര്‍ജിയില്‍ ആവശ്യപ്പെട്ടിട്ടുണ്ട്. ഹര്‍ജി ഹൈക്കോടതി നാളെ പരിഗണിക്കും

791 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close