തൃശൂർ: രാഷ്ട്രപതി രാംനാഥ് കോവിന്ദിന് തൃശൂരിൽ വധഭീഷണി. ഒരാളെ അറസ്റ്റ് ചെയ്തു. ചിറയ്ക്കൽ ഭഗവതി ക്ഷേത്രത്തിലെ പൂജാരി ജയരാമനാണ് അറസ്റ്റിലായത്. തൃശൂര് പോലീസ് കണ്ട്രോള് റൂമില് വിളിച്ചാണ് ഇയാള് വധഭീഷണി മുഴക്കിയത്. ഇയാളെ പൊലീസ് ചോദ്യം ചെയ്ത് വരികയാണ്.
https://www.youtube.com/watch?v=Ulf0zjDi08U
ഫോൺ മുഖേനെയാണ് ഭീഷണി മുഴക്കിയത്. ഇതേ തുടർന്ന് പൊലീസ് നടത്തിയ അന്വേഷണത്തിലാണ് ജയരാമാനാണ് ഭീഷണി മുഴക്കിയതെന്ന് കണ്ടെത്തിയത്.
ചൊവ്വാഴ്ച രണ്ടു പരിപാടികളില് പങ്കെടുക്കുന്നതിനായി രാഷ്ട്രപതി തൃശൂരിലെത്തുന്നുണ്ട്. രാഷ്ട്രപതിയുടെ സന്ദർശനത്തോടനുബന്ധിച്ച് കനത്ത സുരക്ഷയാണ് നഗരത്തിലൊരുക്കിയിരിക്കുന്നത്.
മൂന്ന് ദിവസത്തെ സന്ദർശനത്തിനായി ഇന്നലെയാണ് രാഷ്ട്രപതി തിരുവനന്തപുരത്ത് എത്തിയത്. ഇന്ന് രാവിലെ 11ന് നിയമസഭാ സമുച്ചയത്തില് നടക്കുന്ന ‘ഫെസ്റ്റിവല് ഓണ് ഡെമോക്രസി’ എന്ന പരിപാടി അദ്ദേഹം ഉദ്ഘാടനം ചെയ്യും. വൈകിട്ട് 5.30ന് പ്രത്യേകവിമാനത്തില് കൊച്ചിയിലേക്ക് തിരിക്കും. എറണാകുളം ഗസ്റ്റ് ഹൗസില് വൈകുന്നേരം തങ്ങും.
നാളെ രാവിലെ 10.10ന് ഹെലികോപ്റ്റര് മുഖേനെ തൃശൂരിലേക്ക് തിരിക്കുന്ന അദ്ദേഹം 11ന് തൃശൂര് സെന്റ് തോമസ് കോളേജിന്റെ സെന്റിനറി ആഘോഷങ്ങള് ഉദ്ഘാടനം ചെയ്യും. അവിടെ നിന്ന് ഉച്ചയ്ക്ക് 12.30ന് ഗുരുവായൂരിലെത്തും. ഗുരുവായൂര് ക്ഷേത്രദര്ശനത്തിന് ശേഷം ഉച്ചകഴിഞ്ഞ് 2.45ന് തിരികെ കൊച്ചിയിലെത്തി അവിടെ നിന്ന് പ്രത്യേക വിമാനത്തില് ഡല്ഹിയിലേക്ക് മടങ്ങും.