India

ഐഎസ്ആര്‍ഒയുടെ ഭാരമേറിയ ഉപഗ്രഹം വിക്ഷേപണത്തിനൊരുങ്ങുന്നു

ന്യൂഡല്‍ഹി: ഐഎസ്ആര്‍ഒ നവംബറില്‍ ഏറ്റവും ഭാരമേറിയ ഉപഗ്രഹമായ ജി സാറ്റ്-11 വിക്ഷേപിക്കും. യൂറോപ്യന്‍ വിക്ഷേപണ കേന്ദ്രമായ ഫ്രഞ്ച് ഗയാനയില്‍ നിന്നും നവംബര്‍ 30നാണ് ഉപഗ്രഹം വിക്ഷേപിക്കുന്നത്. 5.7 ടണ്‍ ഭാരമാണ് ഉപഗ്രഹത്തിനുള്ളത്. ജി സാറ്റ്-11 കമ്മ്യൂണിക്കേഷന്‍ സാറ്റലൈറ്റ് വഴി രാജ്യത്തെ ഇന്റര്‍നെറ്റ് വേഗത വര്‍ധിക്കും.

വിക്ഷേപണത്തിനായി കഴിഞ്ഞ വര്‍ഷം ഉപഗ്രഹം ഫ്രഞ്ച് ഗയാനയില്‍ എത്തിച്ചുവെങ്കിലും ഇത് തിരിച്ചു വിളിച്ചിരുന്നു. ഐഎസ്ആര്‍ഒയുടെ തന്നെ ജി സാറ്റ്-6ന്റെ നിയന്ത്രണം നഷ്ടമായ സാഹചര്യത്തിലായിരുന്നു ഇത്. ഇന്ത്യയില്‍ തിരികെ എത്തിച്ചതിനു ശേഷം ഇലക്ട്രിക് സര്‍ക്യൂട്ടില്‍ അടക്കം വീണ്ടും പരിശോധന നടത്തി സാങ്കേതിക പ്രശ്‌നങ്ങള്‍ ഇല്ലെന്നു ഉറപ്പു വരുത്തിയതിന് ശേഷമാണ് ഉപഗ്രഹം വിക്ഷേപണത്തിനായി ഒരുക്കുന്നത്.

മാര്‍ച്ച് 29നാണ് ജി സാറ്റ്-6ന്റെ നിയന്ത്രണം പൂര്‍ണമായും നഷ്ടമായത്. ജി സാറ്റ് 6ന്റെ യാതൊരു അപാകതകളും ജി സാറ്റ് 11നില്ലെന്ന് വിദഗ്ധ ശാസ്ത്രജ്ഞന്‍മാരുടെ നേതൃത്വത്തില്‍ പരിശോധന നടത്തി ഉറപ്പു വരുത്തിയെന്നും നവംബര്‍ 30ന് തന്നെ ഉപഗ്രഹം വിക്ഷേപിക്കുമെന്നും ഐഎസ്ആര്‍ഒ ചെയര്‍മാന്‍ കെ.ശിവന്‍ പറഞ്ഞു.

918 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close