ചെന്നൈ: കരുണാനിധിയുടെ സംസ്കാരം മറീന ബീച്ചില് നടത്തുന്നതിനെതിരായ ഹര്ജികള് മദ്രാസ് ഹൈക്കോടതിയില് നിന്ന് കക്ഷികള് പിന്വലിച്ചു. കേസില് കോടതി ഉടന് വിധി പറയും. കരുണാനിധിക്ക് മറീന ബീച്ചില് അന്ത്യവിശ്രമസ്ഥലം ഒരുക്കുന്നതില് തനിക്ക് എതിര്പ്പില്ലെന്ന് ഹര്ജിക്കാരിലൊരാളായ ട്രാഫിക് രാമസ്വാമി കോടതിയെ അറിയിച്ചിട്ടുണ്ട്.
മറീന ബീച്ചില് രാഷ്ട്രീയനേതാക്കളുടെ ശവസംസ്കാരം നടത്തുന്നതിനെതിരെ ആറ് ഹര്ജികളാണ് ഹൈക്കോടതിയിലുണ്ടായിരുന്നത്. ഹര്ജികള് പിന്വലിച്ചതോടെ ഉടന് ഉത്തരവ് പുറപ്പെടുവിക്കുമെന്ന് കോടതി അറിയിച്ചിട്ടുണ്ട്.
അതേസമയം ചെന്നൈ രാജാജി ഹാളില് പൊതുദര്ശനത്തിന് വെച്ച കരുണാനിധിയുടെ മൃതദേഹത്തില് അന്ത്യോപചാരമര്പ്പിക്കാന് നിരവധി ആളുകളാണ് എത്തിക്കൊണ്ടിരിക്കുന്നത്. രക്തസമ്മര്ദ്ദം ക്രമാതീതമായി കുറഞ്ഞതിനെ തുടര്ന്ന് കഴിഞ്ഞ മാസം 28നാണ് ഗോപാലപുരത്തെ വസതിയില് നിന്ന്കരുണാനിധിയെ ആശുപത്രിയില് പ്രവേശിപ്പിക്കുന്നത്. ഇടയ്ക്ക് അദ്ദേഹത്തിന്റെ നില മെച്ചപ്പെട്ടുവെന്ന വാര്ത്ത പുറത്തുവന്നിരുന്നെങ്കിലും കഴിഞ്ഞ ദിവസം വീണ്ടും ഗുരുതരമാവുകയായിരുന്നു.