Kerala

ഭക്ഷ്യവസ്തുക്കൾ പാർട്ടി ഓഫീസിലേക്ക് മാറ്റാൻ ലോക്കൽ സെക്രട്ടറിയുടെ ശ്രമം; ദുരിതാശ്വാസ ക്യാമ്പില്‍ പ്രതിഷേധം

കൊച്ചി: എറണാകുളം നായരമ്പലത്ത് ദുരിതാശ്വാസ ക്യാമ്പില്‍ സിപിഎമ്മിന്റെ ഗുണ്ടായിസം. പാര്‍ട്ടി ലോക്കല്‍ സെക്രട്ടറി ഉല്ലാസിന്റെ നേതൃത്വത്തില്‍ ദുരിതാശ്വാസ ക്യാമ്പില്‍ നിന്ന് സാധനങ്ങള്‍ പാര്‍ട്ടി ഓഫീസിലേക്ക് കടത്തുന്നത് നാട്ടുകാര്‍ തടയുകയായിരുന്നു. സംഭവസ്ഥലത്ത് എത്തിയ പൊലീസുകാര്‍ക്കെതിരെയും ലോക്കല്‍ സെക്രട്ടറി ഉല്ലാസ് അതിക്രമം കാണിക്കുന്ന ദൃശ്യങ്ങള്‍ ജനം ടി വി ക്ക് ലഭിച്ചു.

കഴിഞ്ഞ ദിവസം രാത്രി നായരമ്പലം ഭഗവതി വിലാസം ഹയര്‍ സെക്കന്ററി സ്‌കൂളിലെ ദുരിതാശ്വാസ ക്യാമ്പിലായിരുന്നു സംഭവം. ക്യാമ്പിലെ അന്തേവാസികള്‍ക്ക് വേണ്ടി എത്തിച്ച ഭക്ഷ്യ വസ്തുക്കള്‍ അടക്കം സിപിഎം ലോക്കല്‍ സെക്രട്ടറിയുടെ നേതൃത്വത്തില്‍ പാര്‍ട്ടി ഓഫീസിലേക്ക് കടത്തിയതാണ് സംഘര്‍ഷത്തിന് ഇടയാക്കിയത്. ക്യാമ്പിലെ അന്തേവാസികളുടെ പ്രതിഷേധത്തെ തുടര്‍ന്ന് പൊലീസ് എത്തിയപ്പോഴുള്ള അവസ്ഥ ഇതായിരുന്നു.

സിപിഎം ലോക്കല്‍ സെക്രട്ടറി ഉല്ലാസിന്റെ നേതൃത്വത്തിലാണ് ദുരുതബാധിതര്‍ക്കെതിരെയും പൊലീസിന് നേരെയും അതിക്രമം അഴിച്ചുവിട്ടത്. എന്നാല്‍ സംഭവത്തില്‍ ലോക്കല്‍ സെക്രട്ടറിക്കെതിരെ ഒരു നടപടിയും പൊലീസ് സ്വീകിരിച്ചിട്ടില്ല. ഇതിനെതിരെ പ്രതിഷേധം ശക്തമായി കഴിഞ്ഞു.

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close