Kerala

കരിഞ്ചന്തയും പൂഴ്ത്തിവയ്പ്പും ശ്രദ്ധയില്‍ പെട്ടാല്‍ കര്‍ശന നടപടിയെന്ന് മന്ത്രി

തിരുവനന്തപുരം: പ്രളയക്കെടുതിയുടെ പശ്ചാത്തലത്തില്‍ കരിഞ്ചന്തയും പൂഴ്ത്തിവയ്പ്പും നടത്തുന്നവര്‍ക്കെതിരെ ക്രിമിനല്‍ കേസ് എടുക്കുമെന്ന് മന്ത്രി പി.തിലോത്തമന്‍. വിഷയവുമായി ബന്ധപ്പെട്ട് വ്യാപാരികളുടേയും സംഘടന പ്രതിനിധികളുമായി മന്ത്രി ചര്‍ച്ച നടത്തി. മൂന്നു ദിവസത്തിനകം ചരക്കുനീക്കം സാധാരണഗതിയിലാകും. ഇന്ധനനീക്കവും ഇന്ന് മുതല്‍ വേഗത്തിലാകുമെന്ന് മന്ത്രി അറിയിച്ചിട്ടുണ്ട്.

കരിഞ്ചന്തയും പൂഴ്ത്തിവയ്പ്പും ശ്രദ്ധയില്‍പെട്ടാല്‍ ജനങ്ങള്‍ക്ക് കളക്ട്രേറ്റില്‍ വിവരം അറിയിക്കാം. കളക്ടറുടെ നേതൃത്വത്തില്‍ ഉദ്യോഗസ്ഥര്‍ വിവിധ ഇടങ്ങളില്‍ പരിശോധനയും നടത്തുന്നുണ്ട്. ഇത് കണ്ടെത്തിയാല്‍ കടകളിലേയും ഗോഡൗണുകളിലേയും സാധനങ്ങള്‍ കണ്ടുകെട്ടും. ഇതിനു പുറമെ കുറ്റക്കാര്‍ക്ക് ഒരു വര്‍ഷം വരെ തടവും പിഴ ശിക്ഷയും ലഭിക്കും.

ഇതുവരെ 39 വ്യാപാരികള്‍ക്കെതിരെ കേസെടുത്തിട്ടുണ്ട്. വില കൂട്ടി വില്‍ക്കുക, പായ്ക്കറ്റുകളില്‍ പതിച്ച വിലയില്‍ കൃത്രിമം നടത്തുക തുടങ്ങിയ ക്രമക്കേടുകളാണു കണ്ടെത്തിയത്. ഇവര്‍ക്ക് നോട്ടീസ് നല്‍കി പിഴ ഈടാക്കും.

444 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close