Kerala

ദുരിതാശ്വാസ ക്യാമ്പുകളിൽ സന്നദ്ധസംഘടനാ പ്രവര്‍ത്തകര്‍ക്ക് വിലക്ക് ; മുഖ്യമന്ത്രിക്കെതിരെ പ്രതിഷേധം

കോട്ടയം ; ദുരിതാശ്വാസ ക്യാമ്പുകളിലേക്ക് സന്നദ്ധസംഘടനാ പ്രവര്‍ത്തകര്‍ കയറേണ്ടെന്ന മുഖ്യമന്ത്രിയുടെ പ്രസ്താവനക്കെതിരെ പ്രതിഷേധം ശക്തം.

സന്നദ്ധസംഘടനകളുടെ പ്രവര്‍ത്തനങ്ങളെ വിലകുറച്ചുകാണുന്ന നിലപാടിനെതിരെയാണ് വിമര്‍ശനം ഉയര്‍ന്നിരിക്കുന്നത്.

ദുരിതാശ്വാസ പ്രവര്‍ത്തനങ്ങളില്‍ രാപകലില്ലാതെ കഷ്ടപ്പെടുന്ന വിവിധ സന്നദ്ധസംഘടനകളാണുള്ളത്. പ്രളയക്കെടുതികളില്‍നിന്ന് ജനങ്ങളെ സുരക്ഷിത സ്ഥലങ്ങളിലേക്ക് മാറ്റുന്നതിനും ദുരിതാശ്വാസക്യാമ്പുകളില്‍ ഭക്ഷണം, മുരുന്ന്, മറ്റ് അവശ്യസാധനങ്ങള്‍ എന്നിവ എത്തിക്കുന്നതിനുമായി സേവാഭാരതിയടക്കമുള്ള സംഘടനകള്‍ മുഴുവന്‍സമയവും സജ്ജമാണ്.

ഇത്തരം പ്രവര്‍ത്തനങ്ങള്‍ക്ക് വിലനല്‍കാത്ത നിലപാടുകളാണ് സര്‍ക്കാരിന്റെ ഭാഗത്തുനിന്ന് ഉണ്ടാകുന്നത്.

മുഖ്യമന്ത്രിയുടെ ഇത്തരം പ്രസ്താവനകള്‍ക്ക് പിന്നില്‍ ചില രാഷ്ട്രീയ ലക്ഷ്യമുണ്ടെന്നും വിമര്‍ശനമുണ്ട്. ഇത് ബാധിക്കുക ദുരിതമനുഭവിക്കുന്ന ജനങ്ങളെയാണ്.

ദുരിതത്തില്‍ നിന്ന് കരകയറാന്‍ ശ്രമിക്കുന്നവര്‍ക്ക് എല്ലാവരുടെയും സഹകരണമാണ് ആവശ്യം. അതിന് സന്നദ്ധസംഘടനകളെ ഒപ്പം നിര്‍ത്തി മുന്നോട്ട് പോകുവാനാണ് സര്‍ക്കാര്‍ ശ്രമിക്കേണ്ടത്.

2K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close