കശ്മീര്: ജമ്മു കശ്മീരിലെ ഷോപ്പിയാനിലുണ്ടായ ഭീകരാക്രമണത്തില് നാല് പൊലീസ് ഉദ്യോഗസ്ഥര്ക്ക് വീരമൃത്യു. ഷോപ്പിയാനിലെ ബോനഗാമില് വച്ച് ഭീകരര് പൊലീസിന് നേരെ വെടിയുതിര്ക്കുകയായിരുന്നു. സംഭവമുണ്ടായ ഉടനെ തന്നെ കൂടുതല് പൊലീസ് ഉദ്യോഗസ്ഥര് സ്ഥലത്തെത്തി. ഇവിടെ ഭീകരര്ക്കായി തിരച്ചില് ആരംഭിച്ചിട്ടുണ്ട്.
ഇന്ന് രാവിലെ അനന്ത്നാഗില് രണ്ട് തീവ്രവാദികളെ സൈന്യം വധിച്ചിരുന്നു. ഹിസ്ബുള് മുജാഹിദ്ദീന് ഭീകരരാണ് കൊല്ലപ്പെട്ടത്. മേഖലയിലെ ഒരു വീട്ടില് ഭീകരര് ഒളിച്ചിരിക്കുന്നുണ്ടെന്ന രഹസ്യവിവരത്തെ തുടര്ന്നാണ് സൈന്യം ഇവിടെ തിരച്ചില് നടത്തിയത്. ഇതിനിടെ ഭീകരര് സൈന്യത്തിന് നേരെ വെടിയുതിര്ക്കുകയായിരുന്നു. ഇവിടുത്തെ ആളുകളെ സുരക്ഷിത സ്ഥാനങ്ങളിലേക്ക് മാറ്റിയിരുന്നു.